ଭୁବନେଶ୍ୱର, ୯ା୪(ବ୍ୟୁରୋ): ଯାତ୍ରୀଙ୍କ ସୁବିଧା ପାଇଁ ରେଳପଥ ପକ୍ଷରୁ ଆସନ୍ତା ୧୦ ତାରିଖରୁ ଭୁବନେଶ୍ୱର ନୂତନ ଷ୍ଟେଶନରେ ପର୍ଯ୍ୟାୟକ୍ରମେ ୪ ଯୋଡ଼ା ଟ୍ରେନର ରହଣି କରିବ। ବିଶେଷ ଟ୍ରେନ ଭାବେ ଚଳାଚଳ କରୁଥିବା ପୁରୀ-କଟକ-ପୁରୀ ପାସେଞ୍ଜର ଏବଂ ଭୁବନେଶ୍ୱର-କେନ୍ଦୁଝରଗଡ଼-ଭୁବନେଶ୍ୱର ପାସେଞ୍ଜର (ବର୍ତ୍ତମାନ ଖୋର୍ଦ୍ଧା ରୋଡ଼ ଓ କେନ୍ଦୁଝରଗଡ଼ ମଧ୍ୟରେ ଚଳାଚଳ କରୁଛି) ଟ୍ରେନଗୁଡିକ ଆସନ୍ତା ୧୦ ତାରିଖରୁ ଅଟକିବ। ପୁରୀ-କଟକ-ପୁରୀ ମେମୁ (୬୮୪୧୬/୬୮୪୧୫) ଭୁବନେଶ୍ୱର ନୂଆ ଷ୍ଟେଶନଠାରେ ପୂର୍ବାହ୍ନ ୧୦ଟା ୦୫ରେ ପହଞ୍ଚତ୍ ପୂର୍ବାହ୍ନ ୧୦ଟା ୬ରେ କଟକ ଆଡକୁ ଯିବ। କଟକରୁ ଏହି ଟ୍ରେନ୍ ଯାତ୍ରା ଆରମ୍ଭ କରି ଭୁବନେଶ୍ୱର ନୂଆ ରେଳ ଷ୍ଟେଶନରେ ଅପରାହ୍ନ ୫ଟା ୨୦ମିନିଟ୍ରେ ପହଞ୍ଚତ୍ ୫ଟା ୨୧ରେ ପୁରୀ ଅଭିମୁଖେ ଯାତ୍ରା କରିବ। ଭୁବନେଶ୍ୱର-କେନ୍ଦୁଝରଗଡ଼-ଭୁବନେଶ୍ୱର ମେମୁ (୬୮୪୨୬/୬୮୪୨୫) ଭୁବନେଶ୍ୱର ନୂଆ ଷ୍ଟେଶନରେ ଅପରାହ୍ନ ୪ଟା ୫୪ରେ ପହଞ୍ଚତ୍ ୪ଟା ୫୫ରେ କେନ୍ଦୁଝରଗଡ଼ ଅଭିମୁଖେ ଯାତ୍ରା କରିବ। କେନ୍ଦୁଝରଗଡ଼ରୁ ଏହି ଟ୍ରେନ ବାହାରି ଭୁବନେଶ୍ୱର ନୂଆ ଷ୍ଟେଶନଠାରେ ପୂର୍ବାହ୍ନ ୧୦ଟା ୧୪ରେ ପହଞ୍ଚତ୍ ପୂର୍ବାହ୍ନ ୧୦ଟା ୧୫ରେ ଭୁବନେଶ୍ୱର ଅଭିମୁଖେ ଯାତ୍ରା କରିବ।
ଅପରପକ୍ଷେ ପଲାସା-କଟକ-ପଲାସା ପାସେଞ୍ଜର ଏବଂ ଖଡ଼ଗ୍ପୁର-ଖୋର୍ଦ୍ଧା ରୋଡ଼-ଖଡ଼ଗ୍ପୁର ଫାଷ୍ଟ ପାସେଞ୍ଜର ଟ୍ରେନକୁ ଭୁବନେଶ୍ୱର ନୂତନ ଷ୍ଟେଶନରେ ରହଣି ପାଇଁ ସ୍ଥିର କରାଯାଇଛି। ପଲାସା-କଟକ-ପଲାସା ପାସେଞ୍ଜର (୫୮୫୩୪/୫୮୫୩୩) ଭୁବନେଶ୍ୱର ନୂଆ ଷ୍ଟେଶନରେ ସକାଳ ୯ଟା ୫୪ରେ ପହଞ୍ଚତ୍ ୯ଟା ୫୫ରେ କଟକ ଆଡକୁ ଯିବ। କଟକରୁ ଏହି ଟ୍ରେନ ବାହାରି ଭୁବନେଶ୍ୱର ନୂଆ ଷ୍ଟେଶନଠାରେ ଅପରାହ୍ନ ୪ଟା ୩୮ରେ ପହଞ୍ଚତ୍ ୪ଟା ୩୯ରେ ପଲାସା ଅଭିମୁଖେ ଯାତ୍ରା କରିବ। ସେହିପରି ଖଡ଼ଗ୍ପୁର ଠାରୁ ୫୮୦୦୫/୫୮୦୦୬ ଖଡ଼ଗପୁର-ଖୋର୍ଦ୍ଧା ରୋଡ଼-ଖଡ଼ଗ୍ପୁର ଫାଷ୍ଟ ପାସେଞ୍ଜର ଭୁବନେଶ୍ୱର ନୂଆ ଷ୍ଟେଶନ ଠାରେ ପୂର୍ବାହ୍ନ ୧୦ଟା ୫୪ରେ ପହଞ୍ଚତ୍ ୧୦ଟା ୫୫ରେ ଖୋର୍ଦ୍ଧା ରୋଡ଼ ଅଭିମୁଖେ ଯାତ୍ରା କରିବ। ଖୋର୍ଦ୍ଧା ରୋଡ଼ରୁ ଏହି ଟ୍ରେନ ଭୁବନେଶ୍ୱର ନୂଆ ଷ୍ଟେଶନଠାରେ ଅପରାହ୍ନ ୫ଟା ୨୯ରେ ପହଞ୍ଚତ୍ ଖଡ଼ଗ୍ପୁର ଅଭିମୁଖେ ଯାତ୍ରା କରିବ ବୋଲି ସୂଚନା ଦିଆଯାଇଛି।
