ମୁମ୍ବାଇ,୫।୧୦ : ଦଶହରା ସକାଳେ ମୁମ୍ବାଇରେ ବଡ ଧରଣର ଦୁର୍ଘଟଣା ଘଟିଛି। ବାନ୍ଦ୍ରା ୱର୍ଲି ସି ଲିଙ୍କଠାରେ ଚାରିଟି କାର ଏବଂ ଆମ୍ବୁଲାନ୍ସ ମୁହାଁମୁହିଁ ଧକ୍କା ହେବା ଫଳରେ ପାଞ୍ଚ ଜଣଙ୍କର ମୃତ୍ୟୁ ଘଟିଥିବା ବେଳେ ତିନିଜଣ ଗୁରୁତର ଆହତ ହୋଇଛନ୍ତି। ସେମାନଙ୍କୁ ଆଇସିୟୁରେ ଭର୍ତ୍ତି କରାଯାଇଛି। ଏଥିସହିତ ୧୨ ଜଣ ସାମାନ୍ୟ ଆହତ ହୋଇଥିବା କୁହାଯାଉଛି। ସମସ୍ତ ଆହତଙ୍କୁ ନିକଟସ୍ଥ ଡାକ୍ତରଖାନାରେ ଚିକିତ୍ସା କରାଯାଉଛି। ମୃତକଙ୍କ ସଂଖ୍ୟା ବଢ଼ିବାର ଆଶଙ୍କା କରାଯାଉଛି।
ସୂଚନାନୁସାରେ, ବାନ୍ଦ୍ରା ୱର୍ଲି ସି ଲିଙ୍କରେ ପୂର୍ବରୁ ଏକ ଗାଡି ଦୁର୍ଘଟଣାଗ୍ରସ୍ତ ହୋଇଥିଲା। ଆହତମାନଙ୍କୁ ନେବାକୁ ଆମ୍ବୁଲାନ୍ସ ଡକାଯାଇଥିଲା। ଆହତମାନଙ୍କୁ ନେବା ପାଇଁ ଆମ୍ବୁଲାନ୍ସ୍ ଡକାଯାଇଥିଲା। ତେବେ ଅନ୍ୟ ତିନିଟି ଗାଡି ଆମ୍ବୁଲାନ୍ସକୁ ଧକ୍କାଦେଇଥିଲେ। ଖବର ପାଇଁ ପୋଲିସ ଘଟଣାସ୍ଥଳରେ ପହଞ୍ଚି ଉଦ୍ଧାରକାର୍ଯ୍ୟ ଆରମ୍ଭ କରିଥିଲେ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ଦୁର୍ଘଟଣାରେ ମୃତକଙ୍କ ପାଇଁ ଶୋକ ପ୍ରକାଶ କରିବା ସହିତ ଆହତମାଦଙ୍କ ଆରୋଗ୍ୟ କାମନା କରିଛନ୍ତି। ପୋଲିସ ବର୍ତ୍ତମାନ ଏହି ଘଟଣାର ତଦନ୍ତ ଆରମ୍ଭ କରିଛି।
