ଛତ୍ରପୁର, ୨।୮(ଦିଲ୍ଲୀପ ସାମଲ): ଗଞ୍ଜାମ ଜିଲା ପାତ୍ରପୁର ବ୍ଲକ ବଣିଆବସାର ବାଘଲଟି ଜଳପ୍ରକଳ୍ପ ବିସ୍ତାପିତ ୩୭ ପରିବାର ୧୪ ଦଫା ଦାବି ନେଇ ଛତ୍ରପୁରସ୍ଥିତ ଜିଲାପାଳ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିଥିଲେ। ବାଘଲଟି ପ୍ରକଳ୍ପ ହେତୁ ୨୦୨୧ ମସିହାରେ ସେମାନଙ୍କୁ ଅନ୍ୟ ସ୍ଥାନରେ ଥଇଥାନ କରାଗଲା । କିନ୍ତୁ ସେମାନେ ରଖିଥିବା ଦାବି ପୂରଣ ହୋଇବାରି ନ ଥିଲା। ବହୁବାର ପ୍ରଶାସନକୁ ଅବଗତ କରାଗଲେ ସମାଧାନ ହୋଇ ନ ଥିବାରୁ ଶେଷରେ ପରିବାର ସହ ଧାରଣା ବସିବାକୁ ନିଷ୍ପତି ନେଇଥିଲେ। ତେଣୁ ସେମାନେ ଆଜି ସହ ପରିବାର ସହ ଧାରଣା ଦେଇିଥିଲେ । ଦାବି ମଧ୍ୟରେ ପ୍ରତି ପରିବାରକୁ ଗୃହପଟ୍ଟା ପ୍ରଦାନ, ବିସ୍ଥାପିତ ୩୭ ପରିବାରଙ୍କର ପ୍ରମାଣ ପତ୍ର ପ୍ରଦାନ, ପ୍ରତି ପରିବାରକୁ ୧ ଏକର ଜମି ପ୍ରଦାନ, ନୂତନ ପୋଖରୀ ଖନନ, କଲ୍ୟାଣ ମଣ୍ଡପ ନିର୍ମାଣ, ସୈାରଶକ୍ତି ଜରିଆରେ ପାନୀୟ ଜଳର ସୁବିଧା, ଆରପିଡିସି ବୈଠକ କରିବା,ପ୍ରତି ପରିବାରକୁ ସୈାରଶକ୍ତି ସାହାର୍ଯ୍ୟରେ ଆଲୁକର ବ୍ୟବସ୍ଥା ଆଦି ୧୪ ଦଫା ଦାବି କରିଥିଲେ। ପରେ ଜିଲାପାଳଙ୍କ ଅନୁପସ୍ଥିତି ରେ ଅତିରିକ୍ତ ଜିଲାପାଳଙ୍କୁ ଭେଟିଥିଲେ। ୧୫ ଦିନ ମଧ୍ୟରେ ବୈଠକ କରାଯିବ ବୋଲି ପ୍ରତଶ୍ରୁତି ମିଳିବା ପରେ ଧାରଣାରୁ ହଟିଥିଲେ। ଏହି ଧାରଣାରେ ମାଲେଶ୍ୱର ପ୍ରଧାନ, ରୀତାଞ୍ଜଳି ପ୍ରଧାନଙ୍କ ସମେତ ଅନ୍ୟ ମାନେ ଉପସ୍ଥିତ ଥିଲେ।
