ନୂଆଦିଲ୍ଲୀ,୧୬।୨: ଦେଶର ପ୍ରମୁଖ ଘରୋଇ ଇନ୍ସ୍ୟୁରଟେକ୍ ଇନ୍ସ୍ୟୁରାନ୍ସ ଦେଖୋ ଚଳିତ ଆର୍ଥିକ ବର୍ଷର ଶେଷ ସୁଦ୍ଧା ପ୍ରାୟ ୩୫୦୦ କୋଟିର ବାର୍ଷିକ ପ୍ରିମିୟମ ସଂଗ୍ରହ ପାଇଁ ଲକ୍ଷ୍ୟ ରଖିଛି। ଏପରିକି କମ୍ପାନୀ ଇକ୍ୟୁଟି ଓ ଋଣର ମିଶ୍ରଣକୁ ନେଇ ସିରିଜ ଏ ପାଣ୍ଠିରୁ ୧୫୦ ମିଲିୟନ ଡଲାର ସଂଗ୍ରହ କରିଛି, ଯାହାକି ଭାରତୀୟ ଇନ୍ସ୍ୟୁରଟେକ୍ କମ୍ପାନୀ ଦ୍ୱାରା ସର୍ବବୃହତ୍ ସିରିଜ ଏ ରାଉଣ୍ଡ ବୋଲି କମ୍ପାନୀ ପକ୍ଷରୁ କୁହାଯାଉଛି। ବିଶେଷକରି ଇକ୍ୟୁଟି ରାଉଣ୍ଡ ଗୋଲ୍ଡ ମ୍ୟାନ୍ ସାଚ୍ ଆସେଟ ମ୍ୟାନେଜମେଣ୍ଟ ଓ ଟିଭିଏସ୍ କ୍ୟାପିଟାଲ ଫଣ୍ଡ ଦ୍ୱାରା ଇନ୍ଭେଷ୍ଟକର୍ପ, ଅବତାର ଭେଞ୍ଚର୍ସ ଓ ଲିପ୍ଫ୍ରଗ୍ ନିବେଶରେ ଅଂଶ ଗ୍ରହଣ କରିଥିଲା। ଅପରପକ୍ଷରେ ୨୦୨୩ ଶେଷ ସୁଦ୍ଧା କମ୍ପାନୀ ତା’ର ପ୍ଲାଟ୍ଫର୍ମରେ ୨,୦୦,୦୦୦ ରୁ ଅଧିକ ବୀମା ପରାମର୍ଶଦାତାଙ୍କୁ ସକ୍ରିୟ କରିବାକୁ ଲକ୍ଷ୍ୟ ରଖିଛି। ବିଶେଷକରି ଓଡ଼ିଶା ଆଇଡି ଅନ୍ତର୍ଗତ ଏହାର ଦଳକୁ ଅତ୍ୟଧିକ ଆକ୍ରମଣାତ୍ମକ ଭାବେ ବିସ୍ତାର କରୁଛି ଏବଂ ନିକଟ ଭବିଷ୍ୟତରେ ୧୦,୦୦୦ ବୀମା ପରାମର୍ଶଦାତାଙ୍କର ଏକ ନେଟ୍ୱାର୍କ ସୃଷ୍ଟି କରିବାକୁ କମ୍ପାନୀ ଲକ୍ଷ୍ୟ ରଖିଛି। କମ୍ପାନୀ ସାରା ଭାରତରେ ୪୬ ବୀମା କମ୍ପାନୀ ସହ ଜଡ଼ିତ ଥିବାବେଳେ ୩୮୦ରୁ ଅଧିକ ବୀମା ଉପତ୍ାଦ ସହ ସ୍ବାସ୍ଥ୍ୟ ଓ ଜୀବନ ପାଇଁ ୧୭୫ଟି ଉପତ୍ାଦ ପ୍ରଦାନ କରିଥାଏ।
ଏ ସମ୍ପର୍କରେ ଇନ୍ସ୍ୟୁରାନ୍ସ ଦେଖୋର ସହ ପ୍ରତିଷ୍ଠାତା ତଥା ସିଇଓ ଅଙ୍କିତ ଅଗ୍ରୱାଲ କହିଛନ୍ତି, ଦେଶରେ ବୀମା ଅନୁପ୍ରବେଶର ସଫଳତା ପାଇଁ ଆମକୁ ସହରାଞ୍ଚଳ ଅତିକ୍ରମ କରିବାକୁ ପଡ଼ିବ। ସାଧାରଣ ଜନତାଙ୍କ ପାଇଁ ବୀମାକୁ ବିମୁଦ୍ରୀକରଣ କରିବା ଲକ୍ଷ୍ୟ ରଖିଛୁ ଓ ଏଥିପାଇଁ ଆମର ସମ୍ପ୍ରସାରଣକୁ ବିସ୍ତାର ଓ ବୈଷୟିକ ଆଧାରରେ ସମାଧାନ ତଥା ସଶକ୍ତୀକୃତ ଭାବେ କାର୍ଯ୍ୟ ଜାରି ରଖିବୁ।
