ଜୟପୁର,୧୫।୨: ରାଜସ୍ଥାନର ଜୟପୁରରେ ଗାଈ ଗୋବର ଓ ମାଟିରେ ନିର୍ମିତ ହୋଇଛି ହନୁମାନ ଜୀଙ୍କର ମୂର୍ତ୍ତି ସ୍ଥାପନ କରାଯାଇଛି। ଏହାର ଉଚ୍ଚତା ୩୫ ଫୁଟ। ମହାଲକ୍ଷ୍ମୀ ନାରାୟଣ ଧାମ ମନ୍ଦିର କମ୍ପ୍ଲେକ୍ସରେ ଏହାକୁ ପ୍ରତିଷ୍ଠା ହୋଇଛି। ଗତ ଜାନୁଆରୀ ୨୪ରେ ହନୁମାନଜୀଙ୍କ ପ୍ରତିମାକୁ ପ୍ରତିଷ୍ଠା କରାଯାଇଥିଲା।
ଏହା ବ୍ୟତୀତ ୨୦ ଫୁଟ ଲମ୍ବ ଏବଂ ୨୦ ଫୁଟ ଚଉଡାର ଗର୍ଭଗୃହ ମଧ୍ୟ ପ୍ରସ୍ତୁତ କରାଯାଇଛି। ସମଗ୍ର ମନ୍ଦିରରେ ଗୋବର ପେଷ୍ଟ ଲଗାଯାଇଛି। ଏଥିରେ ଥିବା ମୂର୍ତ୍ତିର ଆକାର ୩୫ ଫୁଟ ଉଚ୍ଚ, ୧୮ ଫୁଟ ଚଉଡା ଏବଂ ଚାରି ଫୁଟ ମୋଟା। ହନୁମାନ ଜୀଙ୍କର ଏହି ବିଶାଳ ପ୍ରତିମୂର୍ତ୍ତୀ ତିଆରି କରିବା ପାଇଁ ଗୋବରର ୨୩ ହଜାର ଇଟା ବ୍ୟବହାର କରାଯାଇଛି। ଏହା ସହିତ ଗୋବରରୁ ଗଣେଶଙ୍କର ଦେଢ ଼ଫୁଟ ଉଚ୍ଚ ପ୍ରତିମା ଏବଂ ଲକ୍ଷ୍ମୀଙ୍କ ମୂର୍ତ୍ତି ତିଆରି ହୋଇଛି।
ମନ୍ଦିରର ପୁରୋହିତ ବିଷ୍ଣୁ ଦତ୍ତ ଶର୍ମା କହିଛନ୍ତି, ଗାଈ ଗୋବର ଓ ମାଟିରୁ ମୂର୍ତ୍ତି ତିଆରି କରିବାକୁ ଦେଢ ବର୍ଷ ସମୟ ଲାଗିଥିଲା। ୭ ଜଣ କାରିଗର ଏହାକୁ ପ୍ରସ୍ତୁତ କରିଛନ୍ତି। ଏହାକୁ ତିଆରି କରିବାରେ ୧୭ ଲକ୍ଷ ଟଙ୍କା ଖର୍ଚ୍ଚ ହୋଇଛି। ତେବେ ଏହି ପ୍ରକଳ୍ପ ଶେଷ କରିବାକୁ ଖର୍ଚ୍ଚ ୨ କୋଟି ଟଙ୍କା ହେବ।
ମନ୍ଦିର ପରିଚାଳନା ଦାବି କରିଛି ଯେ, ଗାଈ ଗୋବରର ଏହି ବିଶାଳ ପ୍ରତିମୂର୍ତ୍ତି ଏକ ହଜାର ବର୍ଷ ପର୍ଯ୍ୟନ୍ତ ଅକ୍ଷୁର୍ଣ୍ଣ ରହିବ। ଏଥିପାଇଁ ଗାଈ ଗୋବର, ମଇଦା, କାଠ, ଲୁହା, ଚୂନ ଏବଂ ପଥର ଇତ୍ୟାଦି ମୂର୍ତ୍ତି ତିଆରିରେ ମିଶ୍ରିତ ହୋଇଛି।
