ଦୁନିଆ ରହସ୍ୟରେ ଭରପୂର। ଅନେକ ସମୟରେ ଏପରି କିଛି ଦେଖିବା ଏବଂ ଶୁଣିବାକୁ ମିଳିଥାଏ, ଯାହାକୁ ବିଶ୍ୱାସ କରିବା କଷ୍ଟକର ହୋଇପଡେ। ସେଭଳି ଜଣେ ହେଲେ ଉତ୍ତର ୟର୍କଶାୟାର ୩୪ ବର୍ଷୀୟା ମହିଳା ଚାର୍ଲୋଟ ହ୍ବିଟଲ। ତାଙ୍କର ଫୁଡ୍ ଫୋବିଆ ରହିଛି। ସେ ପନିପରିବା ଦେଖିପାରନ୍ତି ନାହିଁ। କାରଣ ସେ ଡରି ଯାଇଥାନ୍ତି। ତାଙ୍କର ପ୍ରବଳ ଝାଳ ବୋହିଥାଏ। ଚକିତ ହୋଇଗଲେ ନା। ତେବେ କଥାଟି ସତ। ୩୪ ବର୍ଷ ଧରି ଚାର୍ଲୋଟ କେବଳ ଚିକେନ ନଗେଟ୍ସ ଏବଂ ଚାଉଳ ପିଠା ଖାଇ ଜୀବିତ ଅଛନ୍ତି।
ଚାର୍ଲୋଟ କୁହନ୍ତିି, ଯେତେବେଳେ ସେ ଦୋକାନ ବଜାରକୁ ଯାଆନ୍ତି, ସେତେବେଳେ ସେ ପନିପରିବା କାଉଣ୍ଟରଠାରୁ ଦୂରରେ ରୁହନ୍ତି। କାରଣ ସେ ପନିପରିବାକୁ ବହୁତ ଭୟ କରନ୍ତି। ଥରେ ସେ ବ୍ରୋକୋଲି ଦେଖିବା ମାତ୍ରେ ଝାଳରେ ବୁଡ଼ିଯାଇଥିଲେ। କେବଳ ଦେଖିବା ନୁହେଁ ସେ ପନିପରିବା ଖାଇବାକୁ ମଧ୍ୟ ଅସମର୍ଥ। ଏହାଛଡ଼ା ସେ ମିଲ୍କସେକ୍,ସସ୍ ଭଳି ମୋଟା ଜିନିଷକୁ ମଧ୍ୟ ଭୟ କରନ୍ତି। ଡାଇନିଂ ଟେବୁଲରେ ଏଭଳିି ଜିନିଷ ଦେଖିବା ମାତ୍ରେ ସେ ସେଠାରୁ ଦୂରେଇ ଯାଆନ୍ତି ନଚେତ ବାନ୍ତି କରନ୍ତି। ସ୍କୁଲରେ ପଢ଼ିବା ସମୟରେ ଯେତେବେଳେ ତାଙ୍କୁ ଖାଦ୍ୟ ଦିଆଯାଉଥିଲା, ସେ କାନ୍ଦୁଥିଲେ।
ଚାର୍ଲୋଟ ଆହୁରି ମଧ୍ୟ କୁହନ୍ତି, ୧୮ ବର୍ଷ ବୟସରେ ତାଙ୍କୁ ଚାକିରୀ ହେତୁ ଘରୁ ଦୂରରେ ରହିବାକୁ ପଡୁଥିଲା। ସେତେବେଳେ ତାଙ୍କ ଅବସ୍ଥା ବିଗିଡି ଯାଇଥିଲା। କାରଣ ସେ ସେଠାରେ ଉପଲବ୍ଧ ଖାଦ୍ୟ ଖାଇ ପାରି ନ ଥିଲେ। ତେଣୁ ସେ ନିଜେ ରାନ୍ଧିବା ଆରମ୍ଭ କରିଥିଲେ। ସେ କୌଣସି ରେଷ୍ଟୁରାଣ୍ଟକୁ ଯିବାକୁ ସକ୍ଷମ ନୁହଁନ୍ତି କିମ୍ବା ସେ ପାର୍ଟି-ଫଙ୍କସନକୁ ଯାଆନ୍ତି ନାହିଁ। ବେଳେବେଳେ ଲୋକମାନେ ଏଥିପାଇଁ ତାଙ୍କୁ ପରିହାସ କରନ୍ତି। ଖାଦ୍ୟ ଫୋବିଆ କାରଣରୁ ସେ ଏପର୍ଯ୍ୟନ୍ତ ଅବିବାହିତ ମଧ୍ୟ ଅଛନ୍ତି। ତାଙ୍କୁ କମ୍ ଭୋକ ଲାଗିଥାଏ। ଏଣୁ ବଞ୍ଚିବା ପାଇଁ ସେ କେବଳ ଥରଟିଏ, ସାରେ ଚିକେନ ନଗେଟ୍ସ କିମ୍ବା ଚାଉଳ ପିଠା ଖାଇଥାନ୍ତି। ଏବେ ସେ ନିଜର ଏଭଳି ଭୟକୁ ଦୂର କରିବାକୁ ଚେଷ୍ଟା କରୁଛନ୍ତି। ଭବିଷ୍ୟତରେ କିଛି ଉନ୍ନତି ଘଟିବ ଏବଂ ସେ ସାଧାରଣ ଜୀବନ ବିତାଇ ପାରିବେ ବୋଲି ଆଶାବାଦୀ ଥିବା କହିଛନ୍ତି।
