କପ୍ତିପଦା,୬ା୮(ବିଷ୍ଣୁଚରଣ ପୁଥାଳ): ମୟୂରଭଞ୍ଜ ଜିଲା କପ୍ତିପଦା ବ୍ଲକ ଅଧୀନ ବଡ଼ସିମୁଳିଆ କନ୍ୟାଶ୍ରମର ୩୩ ଛାତ୍ରୀ ଝାଡ଼ାବାନ୍ତିରେ ଆକ୍ରାନ୍ତ ହୋଇଛନ୍ତି। ଚିକିତ୍ସା ପାଇଁ ସେମାନଙ୍କୁ କପ୍ତିପଦା ଡାକ୍ତରଖାନାରେ ଭର୍ତ୍ତି କରାଯାଇଛି।
ସୂଚନା ଅନୁଯାୟୀ, ଗୁରୁବାର ଛାତ୍ରୀମାନେ ଖାଇ ସାରିବା ପରେ ଝାଡ଼ାବାନ୍ତିରେ ଆକ୍ରାନ୍ତ ହୋଇଥିଲେ। ବିଦ୍ୟାଳୟ କର୍ତ୍ତୃପକ୍ଷ ୧୯ଜଣ ଛାତ୍ରୀଙ୍କୁ ଚିକିତ୍ସା ପାଇଁ ଡାକ୍ତରଖାନା ନେଇଥିଲେ। ଭାରପ୍ରାପ୍ତ ଚିକିତ୍ସା ଅଧିକାରୀ ଡା.ସତ୍ୟଜିତ ଦଳେଇ ଏକ ଡାକ୍ତରୀ ଦଳ ସହ ବିଦ୍ୟାଳୟରେ ପହଞ୍ଚି ଅନ୍ୟ ଆକ୍ରାନ୍ତଙ୍କ ଚିକିତ୍ସା କରି ଫେରିଛନ୍ତି।
ଖବରପାଇ କପ୍ତିପଦା ଉପଜିଲାପାଳ,ସମନ୍ବିତ ଆଦିବାସୀ ଉନ୍ନୟନ ସଂସ୍ଥାର ପ୍ରକଳ୍ପ ପ୍ରଶାସକ ଓ କପ୍ତିପଦା ମଙ୍ଗଳ ସମ୍ପ୍ରସାରଣ ଅଧିକାରୀ ଡାକ୍ତରଖାନାରେ ପହଞ୍ଚି ଅସୁସ୍ଥ ଛାତ୍ରୀଙ୍କ ସ୍ବାସ୍ଥ୍ୟାବସ୍ଥା ପଚାରି ବୁଝିଥିଲେ। ବୁଧବାର ରାତିରେ ଛାତ୍ରୀମାନେ ମାଛ ଖାଇଥିଲେ ଓ ଗୁରୁବାର ମଧ୍ୟାହ୍ନରେ ଅଣ୍ଡା ଖାଇଥିବାରୁ ଖାଦ୍ୟ ବିଷାକ୍ତ ହୋଇ ଏଭଳି ହୋଇଥିବା ଅନୁମାନ କରାଯାଉଛି ବୋଲି ଡାକ୍ତର ଦଳେଇ କହିଛନ୍ତି।
