ଭୁବନେଶ୍ୱର,୧୫ା୧(ବ୍ୟୁରୋ): ଶନିବାର ରାଜ୍ୟରୁ ଆଉ ୩,୨୨୦ କରୋନା ଆକ୍ରାନ୍ତ ସୁସ୍ଥ ହୋଇଥିବା ନେଇ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି। ଏହାକୁ ମିଶାଇ ବର୍ତ୍ତମାନ ସୁଦ୍ଧା ରାଜ୍ୟରେ ୧,୫୫,୬୧୫ ଜଣ ସୁସ୍ଥ ହୋଇସାରିଲେଣି।
ଆଜି ସୁନ୍ଦରଗଡ଼ରୁ ସର୍ବାଧିକ ୭୬୨ ଆକ୍ରାନ୍ତ ସୁସ୍ଥ ହୋଇଥିବାବେଳେ ଖୋର୍ଦ୍ଧାରୁ ୬୦୪ ଏବଂ ସମ୍ବଲପୁରରୁ ୩୭୨ ଆକ୍ରାନ୍ତ ସୁସ୍ଥ ହୋଇଛନ୍ତି।
ସେହିପରି କଟକରୁ ୩୪୬, ଝାରସୁଗୁଡ଼ା ୨୫୪, ନବରଙ୍ଗପୁର ୧୬୯, ମୟୂରଭଞ୍ଜ ୧୧୩, କୋରାପୁଟ ୬୩, ସୋନପୁର ୫୮, କେନ୍ଦୁଝର ୫୪, ପୁରୀ ୫୪, ଅନୁଗୋଳ ୩୫, ଯାଜପୁର ୩୦, ଗଜପତି ୨୮, ବରଗଡ଼ ୨୧, ଦେବଗଡ଼ ୨୦, ଗଞ୍ଜାମ ୨୦, ଜଗତସିଂହପୁର ୨୦, କଳାହାଣ୍ଡି ୧୪, ଢେଙ୍କାନାଳ ୮, ଭଦ୍ରକ ୭, ବଲାଙ୍ଗୀର ୬,କନ୍ଧମାଳ ୬, ନୟାଗଡ଼ ୩, ବାଲେଶ୍ୱର ଏବଂ କେନ୍ଦ୍ରାପଡ଼ାରୁ ୨ ଜଣ ଲେଖାଏ ଆକ୍ରାନ୍ତ ସୁସ୍ଥ ହୋଇଛନ୍ତି। ଷ୍ଟେଟ୍ପୁଲ ସଂଖ୍ୟା ରହିଛି ୧୪୯।
ସୂଚନାଯୋଗ୍ୟ, ଆଜି ରାଜ୍ୟରେ ୧୦, ୮୫୬ ଆକ୍ରାନ୍ତ ଚିହ୍ନଟ ହୋଇଥିବାବେଳେ କେବଳ ଖୋର୍ଦ୍ଧା ଜିଲାରୁ ୩,୦୮୭ ଜଣ ଚିହ୍ନଟ ହୋଇଛନ୍ତି। ଏହି ଆକ୍ରାନ୍ତମାନଙ୍କ ମଧ୍ୟରେ ୧୦୨୧ ଜଣ ପିଲା ଅଛନ୍ତି। ମୃତ୍ୟୁସଂଖ୍ୟା ୮,୪୭୮କୁ ବୃଦ୍ଧି ପାଇଛି।
