ହାଇଦ୍ରାବାଦ: ଚର୍ଚ୍ଚାରେ ଲୋକପ୍ରିୟ ଅଭିନେତା କମଲ ହାସନଙ୍କ ଝିଅ ତଥା ଅଭିନେତ୍ରୀ ଶ୍ରୁତି ହାସନ। କାରଣଟି ହେଲା ତାଙ୍କ ଶାଢ଼ି ପିନ୍ଧା ଲୁକ୍। ନିକଟରେ ଶ୍ରୁତି ନିଜର ସୋସିଆଲ ଆକାଉଣ୍ଟରେ ଏକ ସବୁଜ ରଙ୍ଗର ଶାଢ଼ି ପିନ୍ଧି ଫଟୋ ଶେୟାର କରିଛନ୍ତି। ଏହାକୁ ଦେଖି କେବଳ ତାଙ୍କ ପ୍ରଶଂସକ ନୁହଁନ୍ତି ବରଂ ତାଙ୍କର ଜଣେ ମହିଳା ବନ୍ଧୁ ମଧ୍ୟ ପ୍ରେମରେ ପଡ଼ି ଯାଇଛନ୍ତି। ସେ ସର୍ବସାଧାରଣରେ ତାଙ୍କୁ ସହ ବିବାହ ପ୍ରସ୍ତାବ ଦେଇଛନ୍ତି।
ଫଟୋ ଶେୟାର କରି ଶ୍ରୁତି କ୍ୟାପସନ ଲେଖିଛନ୍ତି, ‘ଇନ ସାରି … ହରମନ କେରଙ୍କ ଷ୍ଟାଇଲ।’ ମାତ୍ର ଏକ ଘଣ୍ଟା ମଧ୍ୟରେ ପ୍ରାୟ ଏକ ଲକ୍ଷ ଲୋକ ଏହାକୁ ପସନ୍ଦ କରିଛନ୍ତି। ସେମାନଙ୍କ ମଧ୍ୟରେ ଶ୍ରୁତିଙ୍କ ମହିଳା ବନ୍ଧୁ, ଓକିଲ ତଥା ସ୍କ୍ରିନ ରାଇଟର୍ ପ୍ରିୟଙ୍କା ଖୀମାନି ମଧ୍ୟ ପ୍ରତିକ୍ରିୟା ଦେଇଛନ୍ତି। ପ୍ରିୟଙ୍କା ସର୍ବସାଧାରଣରେ କମେଣ୍ଟ ବକ୍ସରେ ଲେଖିଛନ୍ତି, ‘ମୁଁ ତୁମକୁ ବିବାହ କରିବାକୁ ଚାହୁଁଛି।’ ଏହା ପରେ ଅଭିନେତ୍ରୀ ମଧ୍ୟ ଏକ ମଜାଳିଆ ଢ଼ଙ୍ଗରେ ଉତ୍ତର ଦେଇ ଲେଖିଛନ୍ତି, ‘ହାହାହାହାହା! ସର୍ବୋତ୍ତମ ଦମ୍ପତି’। ତେବେ ଶ୍ରୁତିଙ୍କ ପ୍ରଶଂସକ କିନ୍ତୁ ଏହାକୁ ଗ୍ରହଣ କରିପାରିନାହାନ୍ତି। କେହି କେହି ତାଙ୍କୁ କଟୁ କଥା କହୁଥିବା ଦେଖାଯାଇଛି।
