ଭୁବନେଶ୍ୱର, ୧୮।୧୨(ବ୍ୟୁରୋ): ପୁଣି ଡରାଇଲାଣି କରୋନା। ବାହାର ଦେଶରେ ସଂକ୍ରମଣ ବଢୁଥିବା ବେଳେ ଦେଶରେ ମଧ୍ୟ ସଂକ୍ରମଣ ବଢ଼ିବାର ସମ୍ଭାବନା ରହିଛି। ଡିସେମ୍ବର ଶେଷ କିମ୍ବା ଜାନୁୟାରୀ ପ୍ରଥମ ସପ୍ତାହରେ ସଂକ୍ରମଣ ବଢ଼ିବାର ସମ୍ଭାବନା ରହିଛି। ଜାନୁୟାରୀ ତୃତୀୟ ସପ୍ତାହ ସୁଦ୍ଧା ସଂକ୍ରମଣ ପିକ୍ରେ ପହଞ୍ଚତ୍ ପାରେ। ଓଡ଼ିଶାରେ ପାଖାପାଖି ୩୦ରୁ ୫୦ ହଜାର ଭିତରେ କେସ୍ ଲୋଡ୍ ରହିପାରେ ବୋଲି ସ୍ବାସ୍ଥ୍ୟ ବିଶେଷଜ୍ଞ ଡା. ନିରୋଜ ମିଶ୍ର କହିଛନ୍ତି।
‘ଓମିକ୍ରନ’ ନିଶ୍ଚିତ ଭାବେ ଭାରତରେ ତୃତୀୟ ଲହର ଆଣିବ। ଏଥିରେ କୌଣସି ସନ୍ଦେହ ନାହିଁ। ଏହା ଯେଉଁ ଭଳି ସଂକ୍ରମଣ କରୁଛି ତାହା ଚିନ୍ତାଜନକ। ଦକ୍ଷିଣ ଆଫ୍ରିକା, ବ୍ରିଟେନ, ଡେନମାର୍କ ଓ ନରୱେରେ ଏହା କ୍ଷିପ୍ର ଗତିରେ ମାଡୁଛି। ଏହା ସମଗ୍ର ବିଶ୍ୱକୁ ବ୍ୟାପିବ। କେବଳ ଆମ ଦେଶ ନୁହେଁ। କେସ୍ ଲୋଡ୍ ବହୁତ ବଢ଼ିବ। କିନ୍ତୁ ଯାହା ବର୍ତ୍ତମାନ ସୁଦ୍ଧା ଜଣାପଡୁଛି, ସିଭିୟରିଟି ହେବ ନାହିଁ। ବିଦେଶ ଅନୁପାତରେ ଆମ ଦେଶରେ ଦୈନିକ ୨୦ରୁ ୨୫ ଲକ୍ଷ କେସ୍ ଆସିବ। ଯେଉଁମାନେ ଚିହ୍ନଟ ହେବେ ସମସ୍ତେ ଲକ୍ଷଣବିହୀନ ହିଁ ଚିହ୍ନଟ ହେବେ। ଯେଉଁମାନଙ୍କର ଇମ୍ୟୁନିଟି କମ୍ ରହିଛି ସେମାନଙ୍କ କ୍ଷେତ୍ରରେ ସିଭିୟରିଟି ବଢ଼ିବ। ଜାନୁୟାରୀରେ ସଂଖ୍ୟା ବଢ଼ିବା ଆରମ୍ଭ ହେବ। ପିକ୍ରେ ପହଞ୍ଚତ୍ବା ପାଇଁ ୩ରୁ ୪ ସପ୍ତାହ ଲାଗୁଛି। ତେଣୁ ଜାନୁୟାରୀ ତୃତୀୟ ସପ୍ତାହରେ ପିକ୍ ନେବା ସହ ଦୈନିକ ୩୦ରୁ ୫୦ ହଜାର ସଂକ୍ରମିତ ଚିହ୍ନଟ ହେବା ନେଇ ଆକଳନ କରାଯାଉଛି ବୋଲି ଡା. ନିରୋଜ ମିଶ୍ର ସୂଚନା ଦେଇଛନ୍ତି।
