ଗଞ୍ଜାମ,୧୫ା୧୦(ଡି.ଏନ୍.ଏ.): ଗଞ୍ଜାମରେ ଥିବା ବିଭିନ୍ନ କାର୍ଯ୍ୟାଳୟରେ ଦୀର୍ଘଦିନ ଧରି ବିଭିନ୍ନ ପଦବୀ ଖାଲି ପଡ଼ିଥିଲା। ଗୋଟିଏ ଦିନରେ ୩ ପ୍ରମୁଖ ଅଧିକାରୀ ତଥା ବ୍ଲକ କାର୍ଯ୍ୟାଳୟ ନୂତନ ବିଡିଓ ଭାବେ ଜସ୍ମିନ ପ୍ରଧାନ, ନୂତନ ଏନ୍ଏସି ଇଓ ଭାବେ ଅବିନାଶ ମିଶ୍ର ଓ ଗଞ୍ଜାମ ଥାନାରେ ନୂତନ ଆଇଆଇସି ଭାବେ ସନ୍ତୋଷ କୁମାର ବେହେରା ଦାୟିତ୍ୱ ଗ୍ରହଣ କରିଛନ୍ତି। ପୂର୍ବରୁ ବିଡିଓ ବିଶ୍ୱଜିତ ରାଏ ରଙ୍ଗେଇଲୁଣ୍ଡା ବ୍ଲକକୁ ବଦଳି ହୋଇଥିବା ବେଳେ ଗଞ୍ଜାମ ଥାନା ଆଇଆଇସି ସୁଦୀପ୍ତ କୁମାର ସାହୁ ଚମାଖଣ୍ଡି ଥାନାକୁ ବଦଳି ହୋଇଥିବା ଜଣାପଡ଼ିଛି। ସେହିପରି ଏନ୍ଏସିରେ ଗଞ୍ଜାମ ତହସିଲଦାର ଅରୁଣ କୁମାର ନାୟକ କାର୍ଯ୍ୟ ତୁଲାଇ ଆସୁଥିଲେ। ଶୁକ୍ରବାର ସନ୍ଧ୍ୟାରେ ଦୁଇ ଅଧିକାରୀ ତଥା ବିଡିଓ ପ୍ରଧାନ ଏବଂ ଇଓ ମିଶ୍ରଙ୍କୁ ଛତ୍ରପୁର ବିଧାୟକ ସୁବାସ ଚନ୍ଦ୍ର ବେହେରା, ବ୍ଲକ ଅଧ୍ୟକ୍ଷା ଶର୍ମିଷ୍ଠା ପ୍ରଧାନ, ୧୫ ନଂ ଜିଲାପରିଷଦ ସଭ୍ୟ ସନାତନ ବେହେରା, ୧୪ ନଂ ଜିଲାପରିଷଦ ସଭ୍ୟ ପ୍ରତିନିଧି ଗଗନ ସ୍ବାଇଁ,ଏନ୍ଏସି ବିଜେଡି ଯୁବ ସଭାପତି ସୁଧୀର କୁମାର ପାଢ଼ୀ, ଛାତ୍ର ସଭାପତି ରାକେଶ ରଞ୍ଜନ ଦାସ, ଜିଲାଛାତ୍ର ଉପସଭାପତି ଲିଙ୍ଗରାଜ ମହାପାତ୍ର, ପୂର୍ବତନ ଏନ୍ଏସି ଉପାଧ୍ୟାକ୍ଷ ନୀଳାଞ୍ଚଳ ବାରିକି, ପୂର୍ବତନ ବ୍ଲକ ଅଧ୍ୟକ୍ଷ ସୁରଥ ପାହନ, ରାଜପୁର ସରପଞ୍ଚ ରଞ୍ଜନ ପଲାଇ, ପାଳିବନ୍ଧ ସରପଞ୍ଚ ସଂଯୁକ୍ତା ପ୍ରଧାନ, ହୁମା ସରପଞ୍ଚ ଜାନକୀ ଦାସ, ବରିଷ୍ଠ ବିଜେଡି ନେତା ବଟକୃଷ୍ଣ ପଣ୍ଡା ପ୍ରମୁଖ ଉପସ୍ଥିତ ରହି ସ୍ବାଗତ ଜଣାଇଥିଲେ।
