ନୂଆଦିଲ୍ଲୀ,୧୭।୩:ରିଲାଏନ୍ସ ରିଟେଲ୍ସର ସହଯୋଗୀ ସଂସ୍ଥା ତଥା ଇ କର୍ମସ ପ୍ଲାଟ୍ଫର୍ମ ଜିଓ ମାର୍ଟ ପକ୍ଷରୁ ଏକ ୩ଦିନିଆ ସର୍ବବୃହତ୍ ହ୍ୟାଣ୍ଡଲୁମ୍ ଆଣ୍ଡ ହାଣ୍ଡିକ୍ରାଫ୍ଟ ସାମଗ୍ରୀର ବ୍ୟାପକ ସମ୍ଭାର ‘କ୍ରାପ୍ଟ ମେଳା’ ସମ୍ପର୍କରେ ଘୋଷଣା କରାଯାଇଛି। ଏହି ମେଳା ଚଳିତ ବର୍ଷ ମାର୍ଚ୍ଚ ୧୭ରୁ ୧୯ ପର୍ଯ୍ୟନ୍ତ ଚାଲିବ। ଭାରତୀୟ ବୁଣାକାର ଓ ଚିତ୍ରଶିଳ୍ପୀଙ୍କ ଦ୍ୱାରା ପ୍ରସ୍ତୁତ ମେଡ୍ ଇନ୍ ଇଣ୍ଡିଆ ଉତ୍ପାଦକୁ ପ୍ରମୋଟ କରିବା ସହ ବୁଣାକାର ଓ ଚିତ୍ରଶିଳ୍ପୀମାନଙ୍କୁ ସଶକ୍ତ କରାଇବା ଲକ୍ଷ୍ୟରେ ଏହି ମେଳାର ଆୟୋଜନ କରାଯାଇଥିବା ଜଣାପଡିଛି। ସେହିଭଳି ଉକ୍ତ ମେଳା ଦ୍ୱାରା ପ୍ରାୟ ୨୨ଟି ରାଜ୍ୟର ୧୦,୦୦୦ରୁ ଅଧିକ ବୁଣାକାର ଓ ଚିତ୍ରଶିଳ୍ପୀ ସେମାନଙ୍କର ଉତ୍ପାଦ ପ୍ରଦର୍ଶନ ସାଙ୍ଗକୁ କାରବାର ମଧ୍ୟ କରିପାରିବେ। ଫଳରେ ସେମାନେ ସ୍ବାବଲମ୍ବୀ ହୋଇପାରିବେ। ଏପରିକି ଏହି ପରିପ୍ରେକ୍ଷୀରେ ଭାରତୀୟ ଗ୍ରାହକମାନେ ପ୍ରାୟ ୮୫,୦୦୦ ଗୁଣାତ୍ମକ ହ୍ୟାଣ୍ଡଲୁମ ଆଣ୍ଡ ହାଣ୍ଡିକ୍ରାଫ୍ଟ ଉତ୍ପାଦ ପାଇପାରିବେ। ଜିଓ ମାର୍ଟର ସିଇସି ସନ୍ଦୀପ ଭାଗ୍ରନ୍ତି କହିଛନ୍ତି, ଜିଓ ମାର୍ଟ ଭାରତୀୟ ବୁଣାକାର ଓ ଚିତ୍ରଶିଳ୍ପୀମାନଙ୍କୁ ସଶକ୍ତ କରାଇବା ସହ ଆର୍ଥିକ ବ୍ୟବସ୍ଥାରେ ମଧ୍ୟ ବେଶ୍ ସହାୟକ ହେବ। ବୁଣାକାର ଓ ଚିତ୍ରଶିଳ୍ପୀଙ୍କ ସାମଗ୍ରୀର ବ୍ୟବସାୟ ପାଇଁ ଉପଯୁକ୍ତ ପ୍ଲାଟ୍ଫର୍ମ ଯୋଗାଇବା ସହ ବ୍ୟବସାୟ ଅଭିବୃଦ୍ଧିରେ ମଧ୍ୟ ଆବଶ୍ୟକ ସହଯୋଗ କରୁଛି।
