ଢେଙ୍କାନାଳ ଅଫିସ,୧୦।୧: ଢେଙ୍କାନାଳ ଜିଲାର ଗଁଦିଆ ବ୍ଲକର ୨୯ ପଞ୍ଚାୟତ ମଧ୍ୟରୁ ୧୫ ଏବଂ ଓଡ଼ାପଡ଼ା ବ୍ଲକର ୨୮ ପଞ୍ଚାୟତ ମଧ୍ୟରୁ ୧୪ଟି ସରପଞ୍ଚ ପଦବୀ ବିଭିନ୍ନ ବର୍ଗର ମହିଳାଙ୍କ ପାଇଁ ସଂରକ୍ଷିତ ରଖାଯାଇଛି। ଫଳରେ ଉଭୟ ବ୍ଲକର ୨୯ ପଞ୍ଚାୟତର ଦାୟିତ୍ୱ ମହିଳାମାନେ ନିର୍ବାହ କରିବେ ବୋଲି ସ୍ପଷ୍ଟ ହୋଇଛି। ୨୦୧୧ ଜନଗଣନା ଅନୁଯାୟୀ ଗଁଦିଆ ବ୍ଲକର ମୋଟ ଜନସଂଖ୍ୟା ୧ଲକ୍ଷ ୫୨ହଜାର ୧୭୬। ସେଥିରୁ ଅନୁସୂଚିତ ଜାତି ୨୬,୨୪୮ ଏବଂ ଅନୁସୂଚିତ ଜନଜାତି ବର୍ଗର ୨୫,୨୭୫। ଚଳିତ ନିର୍ବାଚନରେ ସମିତି ଅଧ୍ୟକ୍ଷ ପଦବୀ ଅନୁସୂଚିତ ଜାତି ବର୍ଗ ଲାଗି ସଂରକ୍ଷିତ ରହିଛି। ପୋରୁହଖୋଜ, ବରଦା, ଗୁଣ୍ଡୁରାପଶି, ଲେଥକା, ସନ୍ଥପୁର, ଶୋରିଷିଆପଦା, ମଠତେନ୍ତୁଳିଆ, ବିଧାରପୁର, ବେଗା, ଷଡ଼ଙ୍ଗୀ, ଦେଓଗଁା ପଞ୍ଚାୟତ ଅଣସଂରକ୍ଷିତ ରହିଛି। କାବେରା, କାଶୀପୁର, ମନ୍ଦାର, ଯୋରନ୍ଦା, ରତନପୁର, ରାଇତଳା, ଲାଉଲଇ, ଖଙ୍କିରା, ଗଁଦିଆ, ଦଶମାଣପାଟଣା, ଦିଗମ୍ବରପୁର, ନେଉଳପୋଇ ପଞ୍ଚାୟତର ସରପଞ୍ଚ ପଦବୀ ମହିଳାଙ୍କ ଲାଗି ନିର୍ଦ୍ଧାରିତ ରହିଛି। କରମୂଳ, ନିହଲପ୍ରସାଦ, ବାଇଶିଆଁ ଅନୁସୂଚିତ ଜାତି ମହିଳା, କାଲୁରିଆ, ଖଣ୍ଡବନ୍ଧ ଏବଂ ପିଙ୍ଗୁଆ ଅନୁସୂଚିତ ଜାତି ବର୍ଗ ଲାଗି ସଂରକ୍ଷିତ ରଖାଯାଇଛି।
ସେହିପରି ଓଡ଼ାପଡ଼ା ବ୍ଲକର ଜନସଂଖ୍ୟା ୧ଲକ୍ଷ ୪୩ହଜାର ୪୪୨। ତନ୍ମଧ୍ୟରୁ ୩୨,୧୭୯ ଅନୁସୂଚିତ ଜାତି ଏବଂ ୧୧,୬୭୨ ଅନୁସୂଚିତ ଜନଜାତି ବର୍ଗର। ବ୍ଲକ ଅଧ୍ୟକ୍ଷ ପଦବୀ ଅଣସଂରକ୍ଷିତ ରହିଛି। କମଳାଙ୍ଗ, କାଶିଆଡ଼ିହ, ସିମିନଇ, ଖୁଣ୍ଟଝରି, ଗଦାଶିଳା, ଗୁଣୁଦେଇ, ଶିବପୁର, କୋତ୍ତମ, ଘଟିପିରି, ବଦାଳୋ, ବିଡୋ ପଞ୍ଚାୟତର ସରପଞ୍ଚ ପଦବୀ ଅଣସଂରକ୍ଷିତ ରହିଛି। ନାଧରା, ନିମିଧା, ଇନ୍ଦିପୁର, ଓଡ଼ାପଡ଼ା, କାଣ୍ଡବିନ୍ଧା, ବଳରାମପ୍ରସାଦ, ମଙ୍ଗଳପୁର, ଗୁଣ୍ଡିଚାପଡ଼ା, ଗୋବିନ୍ଦପ୍ରସାଦ, କୁଶୁପଙ୍ଗା ପଞ୍ଚାୟତ ମହିଳାଙ୍କ ଲାଗି ନିର୍ଦ୍ଧାରିତ ଅଛି। କଳାଙ୍ଗ, ନୟାଭାଗୀରଥିପୁର, ବଳରାମପୁର ଅନୁସୂଚିତ ଜାତି ପାଇଁ ରହିଥିବାବେଳେ ବାଙ୍ଗୁରିସିଂହା, ମୋଟଙ୍ଗା, ଖଡଗପ୍ରସାଦ, ସଦାଶିବପୁର ଅନୁସୂଚିତ ଜାତି ମହିଳା ବର୍ଗଙ୍କ ଲାଗି ସଂରକ୍ଷିତ ରଖାଯାଇଛି।
