ନୂଆଦିଲ୍ଲୀ,୨୫ା୫: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୨୮ତାରିଖରେ ନୂଆ ପାର୍ଲାମେଣ୍ଟ ବିଲ୍ଡିଂକୁ ଉଦ୍ଘାଟନ କରିବା କାର୍ଯ୍ୟକ୍ରମ ରହିଛି। ନୂତନ ସଂସଦ ଗୃହର ଉଦ୍ଘାଟନୀ ସମାରୋହରେ କେଉଁ ଦଳ ଅଂଶଗ୍ରହଣ କରିବେ ଏବଂ କେଉଁ ଦଳ ଅଂଶଗ୍ରହଣ କରିବେ ନାହିଁ, ଏହି ଚିତ୍ର ପ୍ରାୟ ସ୍ପଷ୍ଟ ହେବାରେ ଲାଗିଛି। ୨୧ ବିରୋଧୀ ଦଳ କାର୍ଯ୍ୟକ୍ରମରେ ଯୋଗ ଦେବେ ନାହିଁ ବୋଲି କହୁଥିବା ବେଳେ ୨୪ ଦଳ କାର୍ଯ୍ୟକ୍ରମରେ ସାମିଲ ହେବେ ବୋଲି ଜଣାପଡିଛି। ସମାରୋହରେ ଅଂଶଗ୍ରହଣ କରୁଥିବା ଦଳଗୁଡ଼ିକ ମଧ୍ୟରେ ନ୍ୟାଶନାଲ ଡେମୋକ୍ରାଟିକ ଆଲାଏନ୍ସ(ଏନ୍ଡିଏ) ସହ ସମ୍ପୃକ୍ତ ୧୮ଟି ଦଳ ଏବଂ ୬ଟି ଅଣ ଏନ୍ଡିଏ ପାର୍ଟି ଉଦ୍ଘାଟନୀ ସମାରୋହରେ ଅଂଶଗ୍ରହଣ କରିବେ।
୧୮ ଏନ୍ଡିଏ ଦଳ ମଧ୍ୟରେ ଭାଜପା, ଶିବସେନା-ଶିନ୍ଦେ, ମେଘାଳୟର ଜାତୀୟ ପିପୁଲ୍ସ ପାର୍ଟି, ନ୍ୟାଶନାଲିଷ୍ଟ ଡେମୋକ୍ରାଟିକ ପ୍ରଗତିଶୀଳ ପାର୍ଟି, ସିକ୍କିମ କ୍ରାନ୍ତିକାରୀ ମୋର୍ଚ୍ଚା, ଜନନାୟକ ପାର୍ଟି, ଏଆଇଏଡିଏମ୍କେ, ଆଇଏମ୍କେଏମକେ, ଏଜିଏସୟୁ ରହିଛି। ୬ ଅଣ ଏନ୍ଡିଏ ଦଳ ଲୋକ ଜନକ୍ଷେତ୍ର ପାର୍ଟି (ପାସୱାନ), ବିଜେଡି, ବିଏସ୍ପି, ଟିଡିପି ଏବଂ ଓ୍ବାଇଆର୍ଏସ୍ପି ଏବଂ ଜେଡିଏସ୍ ଅଂଶଗ୍ରହଣ କରିବେ। ଜେଡିଏସ୍ ପକ୍ଷରୁ ଦଳର ମୁଖ୍ୟ ତଥା ପୂର୍ବତନ ପିଏମ୍ ଏଚ୍ଡି ଦେବ ଗୌଡା କାର୍ଯ୍ୟକ୍ରମରେ ଯୋଗଦେବାର କାର୍ଯ୍ୟକ୍ରମ ରହିଛି।
