କେସିଙ୍ଗା,୨୨ା୧୨(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ବ୍ଲକ ବୋରିଆ ପଞ୍ଚାୟତ ବୋରିଆ ଗ୍ରାମର
ଭିମା ପାଣି ପଞ୍ଚାୟତ ଅଧୀନରେ ଚାଷୀମାନେ କରିଥିବା କଦଳୀ ଚାଷ ଉପରେ ବାର୍ହା ଉପଦ୍ରବ କରୁଥିବାରୁ ଚାଷୀମାନେ କ୍ଷତିଗ୍ରସ୍ତ ହେଉଛନ୍ତି। ଏଥିପ୍ରତି କେସିଙ୍ଗା ବନ ବିଭାଗ ଦୃଷ୍ଟି ଦେବା ପାଇଁ ଚାଷୀମାନେ ଦାବି କରିଛନ୍ତି। ଭିମା ପାଣି ପଞ୍ଚାୟତ ନିକଟରେ ବୋହି ଯାଇଛି ରେତନଦୀ। ଏହି ନଦୀକୂଳରେ ଗାଁର ଅନେକ ଚାଷୀ କଦଳୀ ଚାଷ କରିଛନ୍ତି। ଚାଷକୁ ପାଣି ମଡ଼ାଇବା ପାଇଁ ଉଠା ଜଳସେଚନ ପଏଣ୍ଟର ମଧ୍ୟ ସୁବିଧା ରହିଛି। ଆଗରୁ ପୁରୁଣା କଦଳୀ ଚାଷ ରହିଥିଲେ ବି ଚଳିତବର୍ଷ ଚାଷୀମାନେନୂତନ କଦଳୀ ଗଛ (ପୁଆ)ଲଗାଇଛନ୍ତି। କିନ୍ତୁ ଏହି ନୂତନ କଦଳୀ ଗଛ ମୂଳକୁ ଶୁକ୍ରବାର, ଶନିବାର ରାତିରେ ବାର୍ହା ଆସି ମୂଳଗୁଡ଼ିକରୁ ମାଟି ଖୋଳି ଦେବା ସହ ଚେର ଉପାଡ଼ି ଦେଇଥିବା ଚାଷୀମାନେ ଦେଖିବାକୁ ପାଇଛନ୍ତି॥ ଏଭଳି ଲଗାତର ଭାବେ ଦୁଇଦିନ ବାର୍ହା ପଲ ଆସି କ୍ଷୟକ୍ଷତି କରୁଥିବା ନେଇ ଚାଷୀମାନେ ଚିନ୍ତାରେ ପଡ଼ିଯାଇଛନ୍ତି। ବର୍ତ୍ତମାନ ଗାଁର ଚାଷୀପଦ୍ମନାଭ ସ୍ବାଇଁ, ମନ ନାୟକ, ଲାଲବାହାଦୂର ସ୍ବାଇଁଙ୍କ କଦଳୀ ଗଛକୁ ବାର୍ହା ମାଟି ଖୋଳିଥିବା ଦେଖିବାକୁ ମିଳିଛି। ପୂର୍ବ ବର୍ଷମାନଙ୍କ ତୁଳନାରେ ଗତବର୍ଷଓ ଚଳିତବର୍ଷ କଦଳୀ ଚାଷ ଏକର ଏକର ଧିରେ ଧିରେବଢ଼ିବାରେ ଲାଗିଛି। ଚଳିତ ବର୍ଷ ଏହିଏକ ନମ୍ବର ପଏଣ୍ଟରେ ହାରାହାରି ଚାଷୀମାନେ ୧୮ ରୁ ୨୦ ଏକର ପର୍ଯ୍ୟନ୍ତ ଚାଷ କରିଥିବା ଚାଷୀମାନେ ପ୍ରକାଶ କରିଛନ୍ତି। ଏଣୁ ଏଦିଗରେ ବନ ବିଭାଗ ଦୃଷ୍ଟିଦେଇ ବାର୍ହାମାନଙ୍କୁ ଘଉଡ଼ାଇବା ପାଇଁ ଚାଷୀମାନେ ଦାବି କରିଛନ୍ତି।
ଏ ସଂକ୍ରାନ୍ତରେ କେସିଙ୍ଗା ବନ ବିଭାଗର ଫରେଷ୍ଟର ଯଶୋବନ୍ତ ନାଏକଙ୍କୁ ପଚାରିବାରୁ ଆମକୁ ଚାଷୀମାନେ ଲିଖତ ଭାବେ ଅଭିଯୋଗ ଦିଅନ୍ତୁ, ଆମେ ତଦନ୍ତ ପରେ ଯାହା କ୍ଷତି ହୋଇଥିବ ସରକାରୀ ଗାଇଡ୍ଲାଇନ୍ ଅନୁସାରେ କିଛି ସହାୟତା ଯୋଗାଇ ଦିଆଯିବ ବୋଲି ପ୍ରକାଶ କରିଛନ୍ତି।
