ସିକର, ୧୪।୯: ରାଜସ୍ଥାନର ସିକରରେ ରହୁଥିବା ଭରତ ସିଂ ଶେଖାଓ୍ବତଙ୍କୁ ଏବେ ସମସ୍ତେ ବେଶ୍ ତାରିଫ କରୁଛନ୍ତି। ମାତ୍ର ୬ ବର୍ଷ ବୟସରେ ଭରତ ଉଚ୍ଚ କ୍ଷମତା ସମ୍ପନ୍ନ ବିଦ୍ୟୁତ ତାର ସଂସ୍ପର୍ଶରେ ଆସି ୨ ହାତ ହରାଇଥିବା ଭରତ ପାଦରେ ଲେଖିବା ଆରମ୍ଭ କରିଥିଲେ। ଏବେ ଭରତ ପ୍ରଥମ ପ୍ରୟାସରେ କୃଷି ପର୍ଯ୍ୟବେକ୍ଷକ ପଦ ପାଇଁ କୃତ କାର୍ଯ୍ୟ ହୋଇଛନ୍ତି।
ବର୍ଷ ବୟସରେ କରେଣ୍ଟ ଆଘାତ ପାଇ ୨ ହାତ ହରାଇଥିବା ଭରତ ୨ ବର୍ଷ ପର୍ଯ୍ୟନ୍ତ ଶର୍ଯ୍ୟାଶାୟୀ ରହିଥିଲେ। ପ୍ରତିଦିନ ଯେତବେଳେ ସାଙ୍ଗସାଥୀମାନେ ସ୍କୁଲ ଯାଉଥିବାର ଦେଖିଲେ ଭରତ ଏହାପରେ ଆଉ ରହିପାରି ନ ଥିଲେ। ସେ ମଧ୍ୟ ସ୍କୁଲ ଯିବା ପାଇଁ ବାପା ତେଜ ସିଂଙ୍କ ନିକଟରେ ଜିଦି କରିଥିଲେ। ଅଧ୍ୟୟନର ଉତ୍ସାହ ଏବଂ ଜୀବନ ବଦଳାଇବା ପାଇଁ ଜିଦ୍ ଯୋଗୁ ଭରତ ଏହାପରେ ପାଦରେ ଲେଖିବା ଆରମ୍ଭ କରିଥିଲେ। ନିଜର ଅଦମ୍ୟ ଇଚ୍ଛାଶକ୍ତି ଯୋଗୁ ଭରତ ୮ମ ବୋର୍ଡ ପରୀକ୍ଷାରେ ୨ୟ ସ୍ଥାନ ହାସଲ କରିଥିଲେ। ତେବେ ନିକଟରେ ଭରତ ନିଜର ପ୍ରୟାସରେ କୃଷି ପର୍ଯ୍ୟବେକ୍ଷକ ପରୀକ୍ଷାରେ ଉତ୍ତୀର୍ଣ୍ଣ ହୋଇ ବିଫଳତା ପାଇଁ ବାହାନା ଖୋଜୁଥିବା ଲୋକମାନଙ୍କ ପାଇଁ ଉଦାହରଣ ପାଲଟିଛନ୍ତି। କେବଳ ପାଠପଢ଼ା କ୍ଷେତ୍ର ନୁହେଁ ଭରତ କ୍ରୀଡ଼ାରେ ମଧ୍ୟ ସଫଳ ହୋଇଛନ୍ତି। ୨୦୧୬ ରାଜ୍ୟ ପାରା ଅଲିମ୍ପିକ୍ସ କ୍ରୀଡ଼ାରେ ସେ ୧୦ କିମି ଚାଲିରେ ବ୍ରୋଞ୍ଜ ପଦକ ଜିତିଥିଲେ।
