କୁଆଁରମୁଣ୍ଡା,୬ା୪(ମହେନ୍ଦ୍ର କୁମାର ସାହୁ): ରବିବାର ବିଳମ୍ବିତ ରାତିରେ ୧୪୩ ନମ୍ବର ଜାତୀୟ ରାଜପଥର କୁଆଁରମୁଣ୍ଡା ଫାଣ୍ଡି ଅନ୍ତର୍ଗତ ଯମୁନାନାକି ନିକଟରେ ମର୍ମନ୍ତୁଦ ଦୁର୍ଘଟଣା । ଢାବା ଭିତରକୁ ମାଡିଗଲା କାର୍ । କାରଟି ଭାରସାମ୍ୟ ହରାଇ ଦୁର୍ଘଟଣା ହୋଇଥିବା ଜଣାପଡିଛି । ତେବେ ଭୟଙ୍କର ଦୁର୍ଘଟଣାରେ କାର୍ ଚାଳକଙ୍କ ସମେତ ତାଙ୍କ ନିକଟରେ ବସିଥିବା ଯୁବକଙ୍କ ମଧ୍ୟ ଘଟଣାସ୍ଥଳରେ ମୃତ୍ୟୁ ହୋଇଯାଇଛି ।
ଏହାସହ କାର ପଛ ସିଟରେ ବସିଥିବା ଅନ୍ୟ ଜଣେ ଯୁବକଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି । ମୃତ ଚାଳକ ଜଣକ ହେଉଛନ୍ତି ରାଉରକେଲା ତରକେରା ଅଞ୍ଚଳର ମୋହିତ ମହାନ୍ତ(୨୩) ଓ ରାଉରକେଲା ଚେଣ୍ଡ ଫେଜ -୨ ର କୁନାଲ ଚନ୍ଦ୍ର ନାୟକ ବୋଲି ପୋଲିସ କହିଛି । ଦୁର୍ଘଟଣା ଗ୍ରସ୍ତ କାର ନମ୍ବର ହେଉଛି ଓଡ଼ି୧୪ଏବି୯୮୩୬ । ତେବେ ପୋଲିସ ଘଟଣାସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି ।
