ଭଞ୍ଜନଗର,୯।୧୦(ବାବୁଲା ପ୍ରଧାନ): ଗଞ୍ଜାମ ଜିଲା ଭଞ୍ଜନଗର ପୋଲିସ ଗୁରୁବାର ଦୁଇ ଜଣଙ୍କୁ ଗିରଫ କରିଛି। ପୋଲିସ ସେମାନଙ୍କଠାରୁ ଗୋଟିଏ ମାଉଜର, ୩ ରାଉଣ୍ଡ ଗୁଳି ସହ ଗୋଟିଏ ବାଇକ ଜବତ କରିଛି। ଗିରଫ ଦୁଇଜଣ ହେଲେ ସୁନିଲ ପ୍ରଧାନ ଓ ଲାଲୁ ବେହେରା। ସେମାନଙ୍କୁ ଗୁରୁବାର କୋର୍ଟ ଚାଲାଣ କରାଯାଇଛି। ଘଟଣାରୁ ପ୍ରକାଶ ଯେ ଅଭିଯୁକ୍ତଦ୍ବୟ ଗୁରୁବାର ପ୍ରତ୍ୟୁଷରେ
ଚକରା ବିଷୋୟୀ ଛକରେ ଠିଆ ହୋଇଥିଲା। ଏହି ସମୟରେ ପାଟ୍ରୋଲି କରୁଥିବା ପୋଲିସ ଟିମ ଦେଖି ସେମାନେ ଏକ ଦୋକାନ ପଛକୁ ଚାଲି ଯାଇଥିଲେ। ଫଳରେ ପୋଲିସ ସନ୍ଦେହରେ ଅଭିଯୁକ୍ତଦ୍ୱୟଙ୍କୁ ଧରି ପଚରା ଉଚରା କରିଥିଲା। ଏହାପରେ ସେମାନଙ୍କଠାରୁ ବନ୍ଧୁକ ଜବତ ହୋଇଥିଲା। ଏହାପୂର୍ବରୁ ଅଭିଯୁକ୍ତଦ୍ବୟ ପୋଲିସ ସହ ଯୁକ୍ତିତର୍କ କରିବା ସହ ଫାଙ୍କା ଗୁଳି ଚାଳନା କରିଥିବା ପୋଲିସ ପକ୍ଷରୁ ସୂଚନା ଦିଆଯାଇଛି।
Dharitri – Odisha’s No.1 Odia Daily
