ହରାରେ,୬।୨: ହରାରେ ସ୍ପୋଟର୍ସ କ୍ଲବଠାରେ ଶୁକ୍ରବାର ୧୯ ବର୍ଷରୁ କମ୍ ପୁରୁଷ ବିଶ୍ବକପ୍ ଫାଇନାଲ ମ୍ୟାଚ୍ ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯାଉଛି। ଫାଇନାଲ ମ୍ୟାଚ୍ରେ ଭାରତ ଟସ୍ ଜିତି ପ୍ରଥମେ ବ୍ୟାଟିଂ କରିବାର ନିଷ୍ପତ୍ତି ନେଇଥିଲା। ଯୁବ କ୍ରିକେଟର ବୈଭବ ସୂର୍ଯ୍ୟବଂଶୀଙ୍କ ବିସ୍ଫୋରକ ୧୭୫ ରନ୍ର ଇନିଂସ ବଳରେ ଭାରତ ନିର୍ଦ୍ଧାରିତ ୫୦ ଓଭରରେ ୪୧୧ ବିଶାଳ ସ୍କୋର ଛିଡ଼ା କରିଛି। ଫଳରେ ଇଂଲଣ୍ଡ ଆଗରେ ୪୧୨ ରନ୍ର ଟାର୍ଗେଟ୍ ରଖିଛି ଭାରତ।
ବୈଭବ ମାତ୍ର ୫୫ ବଲ୍ରେ ଶତକ ଅର୍ଜନ କରିବା ପରେ ୧୫୦ ରନ ପୂରଣ କରିବାକୁ ଆଉ ମାତ୍ର ୧୬ଟି ବଲ ନେଇଥିଲେ। ଶେଷରେ ସେ ୮୦ଟି ବଲ୍ ଖେଳି ୧୭୫ ରନ କରି ମ୍ୟାନି ଲମ୍ସଡେନଙ୍କ ବଲରେ ଥମାସ ରିଉଙ୍କ ହାତରେ କ୍ୟାଚ୍ ଆଉଟ୍ ହୋଇଥିଲେ। ବୈଭବ ନିଜର ଇନିଂସରେ ୧୫ଟି ଛକା ଓ ୧୫ଟି ଚୌକା ମାରିଥିଲେ।
