ପଦ୍ମପୁର,୧୯।୧୧(ପ୍ରଦୀପ୍ତ ଦାଶ): ବରଗଡ଼ ଜିଲା ଝାରବନ୍ଧ ବ୍ଲକ ଅଧୀନ ଗଉଡମାଲ ଗ୍ରାମର ୧୯ଜଣ ଶ୍ରମିକ ତେଲଙ୍ଗାନାର ଏକ ଇଟାଭାଟିରେ ବନ୍ଧକ ଅଛନ୍ତି। ସେମାନଙ୍କୁ ଉଦ୍ଧାର କରିବା ପାଇଁ ଶ୍ରମିକଙ୍କ ପରିବାର ଲୋକେ ସରକାରଙ୍କୁ ନିବେଦନ କରିଛନ୍ତି।
ସୂଚନା ଅନୁସାରେ, ଗଉଡମାଲ ଗ୍ରାମର ଉଷା ବେହେରାଙ୍କ ସମେତ ୧୯ ଜଣ ଶ୍ରମିକ ପେଟପାଟଣା ପାଇଁ ତେଲଙ୍ଗାନା ରାଜ୍ୟର ବାଉଁଶବାଡା ଜିଲାର ଏକ ଇଟାଭାଟିରେ ୨ମାସ ହେଲା କାମ କରୁଛନ୍ତି। ସେମାନଙ୍କ ମଧ୍ୟରେ ୩ଜଣ ଛୋଟ ପିଲା ଏବଂ ମହିଳା ମଧ୍ୟ ରହିଛନ୍ତି। ତେବେ ଇଟାଭାଟି ମାଲିକ ଶ୍ରମିକମାନଙ୍କୁ ମଜୁରୀ ଦେବା ପରିବର୍ତ୍ତେ ମାଡ୍ପିଟ୍ କରୁଥିବା ଅଭିଯୋଗ ହୋଇଛି। ସେମାନେ ଗାଁକୁ ଫେରିବାକୁ ଚାହିଁଥିବା ବେଳେ ମାଲିକ ଜୋରଜବରଦସ୍ତ ସେମାନଙ୍କୁ ବନ୍ଧକ ରଖି କାମ କରାଉଥିବା ଉଷା ବେହେରାଙ୍କ ସ୍ବାମୀ ତାରାଚନ୍ଦ ବେହେରା ଅଭିଯୋଗ କରିଛନ୍ତି। ଶ୍ରମିକମାନଙ୍କୁ ତୁରନ୍ତ ଉଦ୍ଧାର କରିବା ପାଇଁ ତାରାଚାନ୍ଦ ୫-ଟି ଅଧ୍ୟକ୍ଷଙ୍କୁ ଗୁହାରି କରିଛନ୍ତି।
