ମୁମ୍ବାଇ,୨୬।୧୧: ଆଜି ବି’ ମନେପଡିଲେ ଲୋମ ଟାଙ୍କୁରି ଉଠେ। ଆତଙ୍କବାଦୀଙ୍କ ସଂହାରଲୀଳା। ଦେଶର ବାଣିଜି୍ୟକ ରାଜଧାନୀ ମୁମ୍ବାଇରେ ଆତଙ୍କବାଦୀ ଖେଳି ଥିଲେ ରକ୍ତର ହୋଲି। ପାକିସ୍ତାନୀ ଆତଙ୍କୀ ସଂଗଠନ ଲସ୍କର-ଏ-ତୋଏବାର ୧୦ ଆତଙ୍କବାଦୀ ମୁମ୍ବାଇ ରେଳ ଷ୍ଟେସନଠାରୁ ଆରମ୍ଭ କରି ନରିମାନ ହାଉସ୍, ହୋଟେଲ ଓବରଏ, ହୋଟେଲ ତାଜ ପ୍ୟାଲେସ, ଲିଓପୋଲ୍ଡ କାଫେ ସହ ଏକ ହସ୍ପିଟାଲରେ ଘଟରାଥିଲେ ବର୍ବର କାଣ୍ଡ। ଯାହାକୁ ପାଇଲେ ଗୁଳି ଚଳାଇଲେ। ଇତିମଧ୍ୟରେ ୨୬/୧୧ ମୁମ୍ବାଇ ଆକ୍ରମଣକୁ ୧୬ ବର୍ଷ ପୂରିଯାଇଛି। ଭାରତ ଇତିହାସରେ ୨୬/୧୧ ‘ବ୍ଲାକ ଡେ’ ଭାବେ ନାମିତ ହୋଇଛି।
ଆତଙ୍କବାଦୀଙ୍କ ଗୁଳିରେ ୧୬୬ ନୀରିହ ଜନତାଙ୍କ ମୃତ୍ୟୁ ଘଟିବା ସହ ୩୦୦ରୁ ଅଧିକ ଲୋକ ଆହତ ହୋଇଥିଲେ । ଏହାରି ଭିତରେ ଘଟଣାକୁ ୧୮ ବର୍ଷ ବିତିଯାଇଥିଲେ ସୁଦ୍ଧା, ଆଜି ବି ମଧ୍ୟ ସେଇ ଲୋମହର୍ଷଣକାରୀ ଘଟଣା ମନରୁ ଲିଭୁ ନାହିଁ।
ଅନ୍ୟପକ୍ଷେ ଭାରତୀୟ ସୁରକ୍ଷା କର୍ମୀ ନିଜ ଜୀବନକୁ ବାଜି ଲାଗାଇ ଆତଙ୍କୀଙ୍କୁ ଦମନ ପାଇଁ ଆରମ୍ଭ କରିଥିଲେ ଅପରେଶନ ବ୍ଲାକ ଟର୍ନାଡୋ। ସୁରକ୍ଷା କର୍ମୀଙ୍କ ଗୁଳିରେ ୯ ଆତଙ୍କବାଦୀ ନୀହତ ହୋଇଥିବା ବେଳେ ଆତଙ୍କୀ ଅଜମଲ୍ ଅମୀର କସାବଙ୍କୁ ଜୀବନ୍ତ ଧରିବାରେ ସଫଳ ହୋଇଥିଲେ। ନ୍ୟାୟିକ ପ୍ରକ୍ରିୟା ପରେ କସାବଙ୍କୁ ଫାଶୀ ଦଣ୍ଡ ଦିଆଯାଇଥିଲା। ସମଗ୍ର ବିଶ୍ୱରେ ଏହି ଆକ୍ରମଣକୁ ନିନ୍ଦା କରିଥିଲା।
