ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରଠାରୁ ବଲିଉଡରେ ନେପୋଟିଜିମ୍ ପ୍ରସଙ୍ଗରେ ବିତର୍କ ଚାଲିଛି। କୁହାଯାଉଛି ଯେ ଷ୍ଟାର କିଡ୍ସଙ୍କୁ ସୁଯୋଗ ଦେବା ପାଇଁ ଅନେକ ଚଳଚ୍ଚିତ୍ର ସୁଶାନ୍ତଙ୍କ ହାତରୁ ଚାଲିଯାଇଥିଲା। ମାତ୍ର ବର୍ତ୍ତମାନ ସୁଶାନ୍ତଙ୍କ ଏକ ପୁରୁଣା ଭିଡିଓ ସାମ୍ନାକୁ ଆସିଛି ଯେଉଁଥିରେ ସେ ବଲିଉଡରେ ଗଡଫାଦରଙ୍କ ସହ ଜଡିତ ପ୍ରଶ୍ନର ଉତ୍ତର ଦେଉଛନ୍ତି।
ଏକ ଫ୍ୟାନ୍ ପେଜ୍ରେ ସୁଶାନ୍ତଙ୍କ ଏହି ଭିଡିଓଟି ଶେୟାର କରାଯାଇଛି। ଯେଉଁଥିରେ ସେ ଗଣମାଧ୍ୟମରେ କିଛି ପ୍ରଶ୍ନର ଉତ୍ତର ଦେଉଛନ୍ତି। ଏହି ସମୟରେ ସୁଶାନ୍ତଙ୍କୁ ପଚରାଯାଇଥିଲା, ‘ଆପଣ ଇଣ୍ଡଷ୍ଟ୍ରିରେ ସଫଳତା ଶୀର୍ଷରେ ପହଞ୍ଚିଛନ୍ତି। ତେବେ ଏଥିପାଇଁ ଗଡଫାଦରଙ୍କ ଆବଶ୍ୟକତା ରହିଛି କି ?’ ଏହାର ଉତ୍ତର ଦେଇ ସୁଶାନ୍ତ କହିଥିଲେ, ଭଗବାନ ଏବଂ ପିତା ଦୁଇଟି ଶବ୍ଦ ଦ୍ୱାରା ଗଠିତ, ଏହି ଦୁଇ ଜଣ ହିଁ ଆମ ପାଖେ ଅଛନ୍ତି।
ସୁଶାନ୍ତ କହିଛନ୍ତି ଯେ, ଇଣ୍ଡଷ୍ଟ୍ରିରେ ପହଞ୍ଚିବା ପାଇଁ ଗଡଫାଦରଙ୍କ କୌଣସି ଆବଶ୍ୟକତା ନାହିଁ । ଯଦି ସେପରି ହୋଇଥାନ୍ତା ମୁଁ ସେଠାରେ ପହଞ୍ଚି ପାରି ନ ଥାନ୍ତି। ଭଗବାନ୍ ଅଛନ୍ତି ଓ ବାପା ମଧ୍ୟ ଅଛନ୍ତି, ଦୁଇ ଜଣଙ୍କୁ ମିଶାଇବା କାର୍ଯ୍ୟ ମଣିଷଙ୍କର। ତେବେ ମୋ ପାଖେ ଗଡ ବି ଅଛନ୍ତି ଫାଦର ବି ଅଛନ୍ତି। ଭିଡିଓରେ ତାହା ସୁଶାନ୍ତଙ୍କ ଘର ଭଳି ଦେଖାଯାଉଛି। କାରଣ ଏଥିରେ ତାଙ୍କ ପାଖରେ ପରିବାର ସଦସ୍ୟ ବସିଛନ୍ତି।
ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ବଲିଉଡରେ ନେପୋଟେଜିମ୍ ପ୍ରସଙ୍ଗରେ ବିତର୍କ ଆରମ୍ଭ ହୋଇଛି। ଏହି ପ୍ରସଙ୍ଗରେ, ଫିଲ୍ମ ଇଣ୍ଡଷ୍ଟ୍ରି ମଧ୍ୟ ଦୁଇ ଭାଗ ହୋଇଥିବା ପରି ମନେହୁଏ। ଅନେକ ଲୋକ ଏହାକୁ ସମର୍ଥନ କରୁଥିବାବେଳେ ଅନେକ ଏହାକୁ ବିରୋଧ କରୁଛନ୍ତି। ସୋସିଆଲ ମିଡିଆରେ ଲୋକମାନେ ଷ୍ଟାର କିଡ୍ସ ଏବଂ କିଛି ନିର୍ମାତା-ନିର୍ଦ୍ଦେଶକଙ୍କୁ ଟାର୍ଗେଟ କରିଛନ୍ତି।
