୧୫୦ କୋଟିର ଟିପିଭି ପ୍ରକ୍ରିୟାକରଣ
7:44 amMay 30, 2023May 30, 2023 / 02

ଭୁବନେଶ୍ୱର,୩୦।୫: ଦେଶର ପ୍ରମୁଖ ଆର୍ଥତ୍କ ସେବା ପ୍ରକାନକାରୀ ଡିଜିଟାଲ ପ୍ଲାଟଫର୍ମ ଫୋନ୍‌ପେ ନିକଟରେ ଦୁଇ ଦୁଇଟି ଗୁରୁତ୍ୱପୂର୍ଣ୍ଣ ସଫଳତା ହାସଲ କରିଥିବା ଜଣାପଡିଛି। ବିଶେଷକରି ୟୁନିଫାଏଡ ପେମେଣ୍ଟ ଇଣ୍ଟରଫେସ ସହ ଦୁଇ ଲକ୍ଷ ରୂପେ କ୍ରେଡିଟ କାର୍ଡକୁ ସଫଳତାର ସହ ସଂଯୋଗ କରିବାରେ ଫୋନ୍‌ପେ ପ୍ରଥମ ଡିଜିଟାଲ ପେମେଣ୍ଟ ଆପ୍‌ରେ ପରିଣତ ହୋଇଛି ା ସେହିଭଳି ଫୋନ୍‌ପେ ୟୁପିଆଇ ଜରିଆରେ ରୁପେ କ୍ରେଡିଟ ମାଧ୍ୟମରେ ୧୫୦ କୋଟି ଟଙ୍କାର ମୋଟ୍‌ ପେମେଣ୍ଟ ମୂଲ୍ୟ (ଟିପିଭି) ମଧ୍ୟ ପ୍ରକ୍ରିୟାକରଣ କରିଛି ା ଏପରିକି ଏନପିସିଆଇ ସହଭାଗିତାରେ ଫୋନ୍‌ପେ ୟୁପିଆଇରେ ରୁପେ କ୍ରେଡିଟ ପାଇଁ ବ୍ୟାପକ ଶ୍ରେଣୀର ସମାଧାନ ପ୍ରଦାନ କରିବାକୁ ଲକ୍ଷ୍ୟ ରଖିଛି।
ଏ ସମ୍ପର୍କରେ ଫୋନ୍‌ପେର ଉପାଧ୍ୟକ୍ଷ (ଉପଭୋକ୍ତା ପ୍ଲାଟଫର୍ମ ଏବଂ ପେମେଣ୍ଟ୍‌ସ) ସୋନିକା ଚନ୍ଦ୍ରା କହିଛନ୍ତି, ଆମେ ନ୍ୟାଶନାଲ ପେମେଣ୍ଟ କର୍ପୋରେଶନ ଅଫ ଇଣ୍ଡିଆ (ଏନପିସିଆଇ) ସହିତ ସହଭାଗିତା କରି ଏକ ବିରଳ ରେକର୍ଡର ଅଧିକାରୀ ହୋଇପାରିଛୁ। ଏପରିକି ୟୁପିଆଇ ଜରିଆରେ ୨ଲକ୍ଷ ରୁପେ କ୍ରେଡିଟ କାର୍ଡ ସଂଯୋଗ କରିବାରେ ପ୍ରଥମ ପେମେଣ୍ଟ ଆପ୍‌ ହୋଇଥିବାରୁ ବେଶ ଉତ୍ସାହୀ ମଧ୍ୟ ଅଛୁ। ସେହିଭଳି ଆମର ବିଶ୍ୱାସ ରହିଛି ଯେ ୟୁପିଆଇ ଜରିଆରେ ରୁପେ କାର୍ଡ ଏହି ଇକୋସିଷ୍ଟମରେ କ୍ରେଡିଟର ଉପଲବ୍ଧତା ଏବଂ ବ୍ୟବହାରରେ ପରିବର୍ତ୍ତନ ଆଣିବ। ଏପରିକି ଆମେ ବ୍ୟାପକ ସମାଧାନ ପ୍ରଦାନ କରିବା ପାଇଁ ପ୍ରତିବଦ୍ଧ ମଧ୍ୟ ରହିଛୁ, ଯାହା ଆମର ଗ୍ରାହକ ଏବଂ ବ୍ୟବସାୟୀମାନଙ୍କର ପରିବର୍ତ୍ତିତ ଆବଶ୍ୟକତାଗୁଡ଼ିକୁ ପୂରଣ କରିବ।