ଅଣ କାର୍ଯ୍ୟକାରୀ ସମ୍ପତ୍ତି ପରିଚାଳନାରେ ବିଓଏମ୍‌ ସର୍ବୋତ୍ତମ
7:41 amMay 30, 2023May 30, 2023 / 02

ଭୁବନେଶ୍ୱର,୩୦।୫: ବ୍ୟାଙ୍କ ଅଫ୍‌ ମହାରାଷ୍ଟ୍ର (ବିଓଏମ୍‌) କ୍ରମାଗତ ଭାବେ ଅଣକାର୍ଯ୍ୟକାରୀ ସମ୍ପତ୍ତି ପରିଚାଳନା କ୍ଷେତ୍ରରେ ସର୍ବୋତ୍ତମ ସ୍ଥାନ ହାସଲ କରିଛି, ଏପରିକି ୨୦୨୨-୨୩ ଆର୍ଥିକ ବର୍ଷରେ ବ୍ୟାଙ୍କର ଏନ୍‌ପିଏ ୦.୨୫% ହ୍ରାସ ପାଇବା ସହ ରାଷ୍ଟ୍ରାୟତ୍ତ ବ୍ୟାଙ୍କଗୁଡିକ ମଧ୍ୟରେ ବିଓଏମ୍‌ ଶ୍ରେଷ୍ଠ ପ୍ରଦର୍ଶନକାରୀ ବ୍ୟାଙ୍କ ଭାବେ ପରିଗଣିତ ହୋଇଛି। ସେହିଭଳି ବ୍ୟାଙ୍କ ପକ୍ଷରୁ ପ୍ରକାଶିତ ବାର୍ଷିକ ସଂଖ୍ୟା ଅନୁଯାୟୀ କେବଳ ରାଷ୍ଟ୍ରାୟତ୍ତ ବ୍ୟାଙ୍କ ନୁହେଁ, ୩ ଲକ୍ଷ କୋଟି ଟଙ୍କାରୁ ଅଧିକ ଥିବା ସମସ୍ତ ବ୍ୟାଙ୍କ ମଧ୍ୟରେ ବିଓଏମ ସର୍ବନିମ୍ନ ଅନୁପାତ ଅଟେ। ବିଶେଷ କରି ବିଓଏମ୍‌ର ପ୍ରୋଭିଜନ କଭରେଜ ଅନୁପାତ ୯୮.୨୮% ରହିଛି। ଫଳରେ ବ୍ୟାଙ୍କର ପୁଞ୍ଜି ସ୍ବଚ୍ଛଳତା ହାର ୧୮.୧୪% ରହିଥିବା ବେଳେ ରାଷ୍ଟ୍ରାୟତ୍ତ ବ୍ୟାଙ୍କଗୁଡିକ ମଧ୍ୟରେ ବିଓଏମ ସର୍ବାଧିକ ସ୍ତରରେ ରହିଛି। ଅପରପକ୍ଷରେ ବ୍ୟାଙ୍କ ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ, ଋଣ ଅଭିବୃଦ୍ଧି ଦୃଷ୍ଟିରୁ ବାର୍ଷିକ ୨୯.୪୯% ବୃଦ୍ଧି ରେକର୍ଡ କରି ବ୍ୟବସାୟିକ ବ୍ୟାଙ୍କଗୁଡିକ ମଧ୍ୟରେ ବିଓଏମ ଶୀର୍ଷ ସ୍ଥାନ ବଜାୟ ରଖିଛି। ଏପରିକି ସ୍ବଳ୍ପ ମୂଲ୍ୟର ସଞ୍ଚୟ ଆକାଉଣ୍ଟ ଏବଂ ଚଳନ୍ତି ଆକାଉଣ୍ଟ (କାସା) କ୍ଷେତ୍ରରେ ମଧ୍ୟ ବିଓଏମ ୫୩.୩୮% ଅଭିବୃଦ୍ଧି ସହିତ ଶୀର୍ଷରେ ରହିଛି।