କୁଚିଣ୍ଡା,୯ା୧୨(ଡି.ଏନ୍.ଏ.)- କୁଚିଣ୍ଡା ଅବକାରୀ ବିଭାଗ ଶୁକ୍ରବାର ପୃଥକ୍ ସ୍ଥାନରେ ଚଢାଉ କରି ୧୪କେଜି ୬୦୦ଗ୍ରାମ ଗଞ୍ଜେଇ ଜବତ ସହ ୩ ଅଭିଯୁକ୍ତଙ୍କୁ ଗିରଫ କରିଛି। ସେମାନେ ହେଲେ କୁଚିଣ୍ଡା ଥାନା ଡିମିରିମୁଣ୍ଡା ପଞ୍ଚାୟତ ଝାରମୁଣ୍ଡା ଗ୍ରାମର ସୁମନ୍ତ ସାହୁ, କୁଚିଣ୍ଡା ଏନ୍ଏସି ରାଜଧାନୀ ପଡାର ରାସେଦୁଲ ଇସଲାମ ସେଖ ଓ ଜହ୍ନ କରାଟ। ସୂଚନାକ୍ରମେ ସକାଳେ ଅବକାରୀ ବିଭାଗ ବିଶେଷ ସୂତ୍ରରୁ ଖବର ପାଇ ସୁମନ୍ତଙ୍କ ଘରେ ଚଢାଉ କରି ୧କେଜି ୨ଶହ ଗ୍ରାମ ଗଞ୍ଜେଇ ଜବତ କରି ତାଙ୍କୁ ଗିରଫ କରିଥିଲା। ସେହିପରି ରାସେଦୁଲଙ୍କୁ ଗଜପତିରୁ ବସଯୋଗେ ଆସି ଜହ୍ନ ୧୩କେଜି ୪୦୦ଗ୍ରାମ ଗଞ୍ଜେଇ କାନାଡା ବ୍ୟାଙ୍କ ନିକଟରେ ହସ୍ତାନ୍ତର କରୁଥିବା ବେଳେ ଅବକାରୀ ବିଭାଗ ସେମାନଙ୍କୁ କାବୁ କରିଥିଲା। ଅବକାରୀ ବିଭାଗ ପକ୍ଷରୁ ଏ ନେଇ ପୃଥକ୍ ମାମଲା ରୁଜୁ କରାଯାଇ ୩ଅଭିଯୁକ୍ତଙ୍କୁ ଏସ୍ଡିଜେଏମ୍ କୋର୍ଟ ଚାଲାଣ କରାଯାଇଥିଲା। ଜାମିନ ନାମଞ୍ଜୁର ହେବାରୁ ସେମାନଙ୍କୁ ଜେଲ ହାଜତକୁ ପଠାଇ ଦିଆଯାଇଛି। ଚଢାଉରେ ଅବକାରୀ ଇନ୍ସପେକ୍ଟର ପବିତ୍ର ମୋହନ ମାଝି, ସବ୍ଇନ୍ସପେକ୍ଟର ହୀରାଧର ଦଲପତି, ଏଏସ୍ଆଇ କୌଶିକ ତ୍ରିପାଠୀ, ସମୀର କୁମାର ସାଇଁ, କନଷ୍ଟେବଳ ଜଗନ୍ପାଥ ମୁଣ୍ଡା ପ୍ରମୁଖ ସାମିଲ ଥିଲେ।
