ବମ୍ବେ: ଚଳିତ ବର୍ଷ ବଲିଉଡ୍ ପାଇଁ ଏକ ଖରାପ ବର୍ଷ କହିଲେ ଭୁଲ ହେବ ନାହିଁ। ଏହି ୬ ମାସ ମଧ୍ୟରେ ବଲିଉଡ୍ ୧୩ଜଣ ଅଭିନେତାଙ୍କୁ ହରାଇଛି, ଯାହାକି ପ୍ରଶଂସକଙ୍କ ପାଇଁ କୌଣସି ଝଟ୍କାଠାରୁ କମ୍ ନୁହେଁ।
ଏପ୍ରିଲ ୨୯ ତାରିଖରେ ଅଭିନେତା ଇରଫାନ୍ ଖାଁଙ୍କ ଦେହାନ୍ତ ହୋଇଥିଲା। କର୍କଟରେ ପୀଡ଼ିତ ଥିଲେ ସେ। ଶେଷରେ ସେ ଡାକ୍ତରଖାନାରେ ଚିକିତ୍ସାଧିନ ଅବସ୍ଥାରେ ଆଖି ବୁଜିଥିଲେ।
ଇରଫାନ୍ଙ୍କ ମୃତ୍ୟୁର ଗୋଟିଏ ଦିନ ପରେ ଅର୍ଥାତ ଏପ୍ରିଲ ୩୦ରେ ଅଭିନେତା ଋଷି କପୁରଙ୍କ ନିଧନ ହୋଇଥିଲା। ସେ ମଧ୍ୟ ଦୀର୍ଘ ଦିନରୁ କ୍ୟାନ୍ସରରେ ପୀଡ଼ିତ ଥିଲେ। କରୋନା ଯୋଗୁ ଲକ୍ଡାଉନ୍ କଟକଣା ଥିବାରୁ ଲୋକମାନେ ତାଙ୍କ ଶେଷ ଦର୍ଶନରେ ସାମିଲ ହୋଇପାରି ନ ଥିଲେ।
ଜୁନ୍ ୧ରେ ଗାୟତ ତଥା ଖ୍ୟାତନାମା ସଙ୍ଗୀତକାର ଓ୍ବାଜିଦ୍ ଖାଁଙ୍କ ପରଲୋକ ଘଟିଥିଲା। ସେ କିଡନୀ ଜନିତ ରୋଗରେ ପୀଡ଼ିତ ଥିଲେ। କରୋନାରେ ସଂକ୍ରମିତ ହୋଇ ଚିକିତ୍ସାଧୀନ ଥିବା ବେଳେ ତାଙ୍କର ମୃତ୍ୟୁ ଘଟିଥିଲା।
ଜୁନ୍ ୧୪ ତାରିଖରେ ଅଭିନେତା ସୁଶାନ୍ତ ସିଂ ରାଜପୁତ ଆତ୍ମହତ୍ୟା କରିଥିଲେ। ତାଙ୍କ ମୃତ୍ୟୁକୁ ନେଇ ଏବେ ବି ପ୍ରଶଂସକ ଦୁଃଖରେ ଅଛନ୍ତି। ସେ ଅନେକ ହିଟ୍ ଫିଲ୍ମରେ କାମ କରିଥିଲେ।
୨୦୨୦ରେ ଅଭିନେତା ମୋହିତ ବଘେଲଙ୍କ ମୃତ୍ୟୁ ଘଟିଛି। ମେ ୨୩ ତାରିଖରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି। କ୍ୟାନ୍ସର ସହ ଲଢ଼ୁଥିବା ବେଳେ ତାଙ୍କୁ ମାତ୍ର ୨୭ ବର୍ଷ ବୟସ ହୋଇଥିଲା।
ମେ ୧୬ରେ ମନମିତ ଗ୍ରେଭାଲ ଆତ୍ମହତ୍ୟା କରିଛନ୍ତି। ସେ ଟେଲିଭିଜନ ଜଗତର ପରିଚିତ ନାମ ଥିଲେ। ଅଭିନେତା ସଚିନ କୁମାର ମେ’ ୧୫ ତାରିଖରେ ହୃଦ୍ଘାତରେ ପ୍ରାଣ ହରାଇଥିଲେ। ଏହାଛଡ଼ା ଲୋକପ୍ରିୟ ଗାୟକ ଯୋଗେଶ ଗୌରଙ୍କ ମେ’ ୨୯ ତାରିଖରେ ମୃତ୍ୟୁ ଘଟିଛି। ମେ’ ୧୦ ତାରିଖରେ ଅଭିନେତା ସାଇ ଗୁଣ୍ଡେବରଙ୍କ ନିଧନ ହୋଇଛି।
ଧାରାବାହିକ କ୍ରାଇମ୍ ପାଟ୍ରୋଲର ଅଭିନେତା ସଫିକ୍ ଅନ୍ସାରୀଙ୍କ କ୍ୟାନ୍ସରରେ ପୀଡ଼ିତ ହୋଇ ମୃତ୍ୟୁ ଘଟିଛି। ବାସୁ ଚାଟାର୍ଜୀ ମଧ୍ୟ ୨୦୨୦ରେ ସମସ୍ତଙ୍କୁ ଅଲବିଦା କହିଛନ୍ତି। ୨୫ ବର୍ଷ ବୟସରେ ଅଭିନେତ୍ରୀ ପ୍ରେକ୍ଷା ମେହେଟ୍ଟା ଆତ୍ମହତ୍ୟା କରିଛନ୍ତି। ସେ କ୍ରାଇମ୍ ପାଟ୍ରୋଲରେ ନଜର ଆସୁଥିଲେ। ଏହାଛଡ଼ା ଅଭିନେତ୍ରୀ ନିମ୍ମିଙ୍କ ଦେହାନ୍ତ ହୋଇଯାଇଛି।
