ଚିତ୍ରକୋଣ୍ଡା,୧୧ା୨(ଡି.ଏନ.ଏ.): ମାଲକାନଗିରି ଜିଲା ଚିତ୍ରକୋଣ୍ଡା ବ୍ଲକର ଦୁର୍ଗମ ଅଞ୍ଚଳରେ ଲୋକଙ୍କ ସମସ୍ୟା ସମାଧାନ କରି ସେମାନଙ୍କୁ ସରକାରଙ୍କ ବିଭିନ୍ନ ସୁବିଧା ସୁଯୋଗ ଯୋଗାଇ ଦେବାକୁ କପାତୁଟି ସମିତିସଭ୍ୟ ନାଗେଶ ଖିଲ, ସରପଞ୍ଚ ଶୁକ୍ରି ହନ୍ତାଳଙ୍କ ସ୍ବାମୀ ପଦଲାମ ହନ୍ତାଳ ଏବଂ ଧରିତ୍ରୀ ଖବରଦାତା କ୍ଷୀରୋଦ ବେହେରା ବାରମ୍ବାର ବ୍ଳକ ପ୍ରଶାସନର ଦଅଷ୍ଟି ଆକର୍ଷଣ କରି ଆସୁଥିଲେ। ଏନେଇ ବିଡିଓ ରଘୁନାଥ ମୁଣ୍ଡାରିଙ୍କୁ ଅବଗତ କରାଉଥିଲେ। ଫଳରେ ଶୁକ୍ରବାର ବିଡିଓ ମଣ୍ଡାରିଙ୍କ ନିର୍ଦ୍ଦେଶରେ ବ୍ଲକ ପ୍ରଶାସନର ଏକ ଟିମ୍ ଚିତ୍ରକୋଣ୍ଡା ବ୍ଲକର କପାତୁଟି ପଞ୍ଚାୟତର ଗଞ୍ଜେଇମାଳ, ଏନ୍ତାଲାଙ୍କା ଓ ପରଜାଗୁଡ଼ା ଗ୍ରାମ ଏବଂ ପାପୁଲୁର ପଞ୍ଚାୟତର କମଳାବନ୍ଧା, ବାନ୍ଦାମାମୁଡି, କଟମେତଲା ଗ୍ରାମକୁ ଚିତ୍ରକୋଣ୍ଡାରୁ ୧୨ କି.ମି. ବାଟ ଚାଲିଚାଲି ଯାଇ ପହଞ୍ଚତ୍ଥିଲେ। ବ୍ଲକ ପ୍ରଶାସନରୁ ବିଏସଏସ୍ଓ ଅମର ମାଡକାମି, କନିଷ୍ଠଯନ୍ତ୍ରୀ ରାଜେନ୍ଦ୍ର ଦୋରା, ଗ୍ରାମ୍ୟ ଗୃହ ନିର୍ମାଣ ବିଭାଗର ବ୍ଲକ ପ୍ରୋଜେକ୍ଟ କୋର୍ଡିନେଟର ଲଷ୍ମଣ ନାଗ, କପାତୁଟି ସମିତିସଭ୍ୟ ନାଗେଶ ଖିଲ, ସରପଞ୍ଚ ଶୁକ୍ରିଙ୍କ ସ୍ବାମୀ ପଦଲାମ ପ୍ରମୁଖ ଉପରୋକ୍ତ ଗ୍ରାମଗୁଡ଼ିକରେ ପହଞ୍ଚତ୍ ଗ୍ରାମ ସମସ୍ୟା ଅନୁଧ୍ୟାନ କରିଥିଲେ। ମୁଖ୍ୟତଃ ଏହି ଗ୍ରାମ ଗୁଡ଼ିକୁ ରାସ୍ତା ନାହିଁ, ପାନୀୟ ଜଳ ଯୋଗାଣ, ବିଦ୍ୟୁତ୍ ବ୍ୟବସ୍ଥା ନାହିଁ, ପାଖରେ ଅଙ୍ଗନଓ୍ବଡି କେନ୍ଦ୍ର ନାହିଁ କି ବିଦ୍ୟାଳୟଟିଏ ନ ଥିବା ଟିମ୍ ଗ୍ରାମବାସୀଙ୍କ ସହ ଆଲୋଚନା ବେଳେ ଜାଣିବାକୁ ପଇଥିଲେ। ଏହି ସମୟରେ ଭତ୍ତା ପାଇବାରୁ ବଞ୍ଚତ୍ତ ହୋଇଥିବା ଲୋକଙ୍କୁ ଚିହ୍ନଟ କରାଯାଇ ଥିଲା। ଆବାସ ଯୋଜନାରେ କେହି ଘର ପାଇ ନ ଥିବାରୁ ସେମାନଙ୍କ ତାଲିକା ପ୍ରସ୍ତୁତ କରାଯାଇଥିଲା। ଗ୍ରାମଗୁଡିକର ଅନ୍ୟାନ୍ୟ ସମସ୍ୟା ମଧ୍ୟ ରେକର୍ଡଭୁକ୍ତ କରାଯାଇ ଥିଲା। ଏହି ଟିମ୍ ସନ୍ଧ୍ୟରେ ଚିତ୍ରକୋଣ୍ଡା ଫେରି ବିଡ଼ିଓ ମୁଣ୍ଡାରିଙ୍କୁ ସମ୍ପୃକ୍ତ ଅଞ୍ଚଳର ସମସ୍ୟା ସମ୍ପର୍କରେ ରିପୋର୍ଟ କରିଛନ୍ତି।
