ନୂଆଦିଲ୍ଲୀ,୧୮।୧: ବ୍ୟାଙ୍କ ଅଫ୍ ଇଣ୍ଡିଆ(ବିଓଆଇ)ର ୩ୟ ତ୍ରୈମାସିକ ଫଳାଫଳ ସମ୍ପର୍କରେ ଘୋଷଣା କରାଯାଇଛି। ଏପରିକି ଚଳିତ ଆର୍ଥିକ ବର୍ଷର ଡିସେମ୍ବର ଶେଷ ସୁଦ୍ଧା ବ୍ୟାଙ୍କର କାରବାର ୨୦% ବୃଦ୍ଧି ଘଟି କ୍ରମାଗତ ଲାଭରେ ୧୧୫୧ କୋଟି ଟଙ୍କାରେ ପହଞ୍ଚତ୍ଛି। ବ୍ୟାଙ୍କର ଅପରେଟିଂ ମାର୍ଜିନ୍ରେ ୮% ବୃଦ୍ଧି ଘଟିଛି। ବ୍ୟାଙ୍କ ୩ୟ ତ୍ରୈମାସରେ ବିଭିନ୍ନ ଗୁରୁତ୍ୱପୂର୍ଣ୍ଣ ଦିଗରେ ଉଲ୍ଲେଖନୀୟ ଉନ୍ନତି ପ୍ରଦର୍ଶନ କରିଛି। ବ୍ୟାଙ୍କର ପରିଚାଳନାଗତ ଲାଭ କ୍ରମାଗତ ଭାବେ ଶତକଡ଼ା ୭୪%କୁ ବୃଦ୍ଧି ପାଇ ୩,୬୫୨ କୋଟିରେ ପହଞ୍ଚତ୍ଛି। ରିଟର୍ନ ଅନ୍ ଆସେଟ୍ସ (ଆର୍ଓଏ) ୫୫ ବିପିଏସ୍ରେ ପହଞ୍ଚତ୍ଛି। ବ୍ୟାଙ୍କର ନେଟ୍ ଇଣ୍ଟରେଷ୍ଟ ମାର୍ଜିନ୍ ୧୦୧ ବିପିଏସ୍କୁ ବୃଦ୍ଧି ପାଇ ୩.୨୮% ରେ ପହଞ୍ଚତ୍ଥିବା ସହ ଘରୋଇ ନେଟ୍ ଇଣ୍ଟରେଷ୍ଟ ମାର୍ଜିନ୍ରେ ୩.୭୨% ବୃଦ୍ଧି ଘଟିଛି। ବ୍ୟାଙ୍କର ମୋଟ୍ ସୁଧ ଆୟ ଶତକଡ଼ା ୬୪% ଅଭିବୃଦ୍ଧି ହାରରେ ୫,୫୯୬ କୋଟିରେ ପହଞ୍ଚତ୍ଛି। ବ୍ୟାଙ୍କର ଅଗ୍ରିମରେ ୭.୬୭% ବୃଦ୍ଧି ପାଇ ୪୬ ବିପିଏସ୍କୁ ବୃଦ୍ଧିପାଇଛି। ସେହିଭଳି ରାମ୍ ଅଗ୍ରିମରେ ୧୩.୨୪% ବୃଦ୍ଧି ଘଟିଛି। ବ୍ୟାଙ୍କର କାସା ଡିପୋଜିଟ୍ରେ ୩.୭୦% ବୃଦ୍ଧି ଘଟିଛି ଏବଂ ଘରୋଇ କାସା ଡିପୋଜିଟ୍ରେ ୪୪.୫୬% ବୃଦ୍ଧି ଘଟିଛି। ବ୍ୟାଙ୍କର ଗ୍ରସ୍ ଏନ୍ପିଏ ୭.୬୬% ଓ ନେଟ୍ ଏନ୍ପିଏ ୧.୬୧ % କୁ ହ୍ରାସ ପାଇଛି। ବ୍ୟାଙ୍କର ସ୍ଲିପେଜ୍ ଅନୁପାତ ୨୦ ବିପିଏସ୍ ହ୍ରାସ ପାଇ ୦.୨୭% ରେ ପହଞ୍ଚତ୍ଛି। ଆୟ ଅନୁପାତ କ୍ରମାଗତ ଭାବେ ୪୮.୦୩%କୁ ବୃଦ୍ଧି ପାଇଛି।
