କଟକ ଅଫିସ,୨୩ା୧୨: କଟକ ଜଗତ୍ପୁର ଅଞ୍ଚଳରେ ଥିବା ଏକ ସିମେଣ୍ଟ ଗୋଦାମ ଉପରେ ମଙ୍ଗଳବାର ପୋଲିସ ଚଢାଉ କରିଥିଲା। ସେଠାରୁ ପ୍ରାୟ ୧୦ ହଜାର ବସ୍ତା ଏକ୍ସପାଏରି ସିମେଣ୍ଟ ଓ ୧ହଜାର ବସ୍ତା ଭଲ ସିମେଣ୍ଟ, ୫ହଜାର ପ୍ୟାକେଜିଙ୍ଗ ପଲିଥିନ, ଚାଲୁଣି, ହାତୁଡି ଆଦି ଜବତ କରାଯାଇଛି। ଏହି ଘଟଣାରେ ସଂସ୍ଥାର ଦେବେସ ଜୋଷୀ ନାମକ କର୍ମଚାରୀଙ୍କୁ ପୋଲିସ ଗିରଫ କରିଛି। ଏ ନେଇ ଜଗତ୍ପୁର ଥାନାରେ ଏକ ମାମଲା (ନଂ.୫୩୫/୨୦) ରୁଜୁ ହୋଇଛି।
ପୋଲିସ ସୂଚନା ଅନୁଯାୟୀ, ଗୋଟିଏ ଟ୍ରକରେ ଅପମିଶ୍ରିତ ସିମେଣ୍ଟ ଲୋଡ୍ ହେଉଥିବାବେଳେ ଖବରପାଇ ପୋଲିସ ଟିମ୍ ସେଠାରେ ପହଞ୍ଚତ୍ଥିଲା। ଉକ୍ତ ଟ୍ରକରୁ ସିମେଣ୍ଟ ଜବତ କରିବାବେଳେ ପାଖରେ ଏକ ଗୋଦାମ ଥିବା ପୋଲିସ ଜାଣିବାକୁ ପାଇଥିଲା। ପରେ ଉକ୍ତ ଗୋଦାମରେ ଚଢ଼ାଉ କଲାବେଳେ ଅନେକ ତଥ୍ୟ ସାମ୍ନାକୁ ଆସିଥିଲା। ଏହି ଗୋଦାମରେ ଏକ୍ସପାଏରି ସିମେଣ୍ଟକୁ ମାର୍ତୁଲରେ ଭାଙ୍ଗି ପାଉଡର କରାଯାଉଥିଲା। ସେଥିରେ ଆଉକିଛି ଭଲ ସିମେଣ୍ଟ ମିଶାଇ ଅମ୍ବୁଜା ସିମେଣ୍ଟ ନାମରେ ପ୍ୟାକିଂ କରାଯାଇ ବଜାରକୁ ବିକ୍ରି ଉଦ୍ଦେଶ୍ୟରେ ଛଡାଯାଉଥିଲା। ଏହି ଚଢ଼ାଉରେ କଟକ ଜୋନ୍-୧ ଏସିପି, ଜଗତ୍ପୁର ଥାନା ଆଇଆଇସି ରବୀନ୍ଦ୍ର ମେହେରଙ୍କ ସମେତ ଅନ୍ୟ ପୋଲିସ କର୍ମଚାରୀ ସାମିଲ ଥିଲେ।
