ଛତ୍ରପୁର,୧୭।୪(ଦିଲ୍ଲୀପ ସାମଲ): ଦଶମ ଶ୍ରେଣୀ ସିବିଏସଇ ପରୀକ୍ଷା ଫଳ ପ୍ରକାଶ ପାଇଥିବା ବେଳେ ସୋରଡ଼ା ଓଡିଶା ଆଦର୍ଶ ବିଦ୍ୟାଳୟ ଛାତ୍ର ଅଂଶୁମାନ ପଣ୍ଡା ଜିଲା ପାଇଁ ଗୌରବ ଆଣିଛନ୍ତି । ସେ ୫୦୦ ମାର୍କରୁ ୪୯୬ ଯାହାକି ୯୯.୨ ପ୍ରତିଶତ ମାର୍କ ରଖି ଗଞ୍ଜାମ ଜିଲା ଟପ୍ପର ହୋଇଛନ୍ତି । ଏହାସହ ରାଜ୍ୟରେ ସମସ୍ତ ଓଏଭି ବିଦ୍ୟାଳୟର ଓଡ଼ିଶାରେ ୩ୟ ସ୍ଥାନରେ ରହିଛନ୍ତି। ଏହି ଅବସରରେ ତାଙ୍କୁ ଗଞ୍ଜାମ ଜିଲାପାଳ ଭି.କୀର୍ତ୍ତିଭାସନ ସମ୍ବର୍ଦ୍ଧନା ଓ ପ୍ରଶଂସାପତ୍ର ପ୍ରଦାନ କରିବା ସହ ଉଜ୍ୱଳ ଭବିଷ୍ୟତ କାମନା କରିଥିଲେ।
ପୂର୍ବ ବର୍ଷ ଅପେକ୍ଷା ଜିଲାରେ ଚଳିତ ବର୍ଷ ଦଶମ ଶ୍ରେଣୀ ସିବିଏସଇ ପରୀକ୍ଷା ଫଳ ଭଳ ହୋଇଥିବା ଜିଲାପାଳ କହିଥିଲେ । ଅଂଶୁମାନ ଆଗାମି ଦିନରେ ଆଇଆଇଟି ପଢିବା ପାଇଁ ଆଶା ରଖିଛନ୍ତି । କଠିନ ପରିଶ୍ରମ ହିଁ ସଫଳତାର ଚାବିକାଠି ସେ ଗଞ୍ଜାମ ଜିଲା ପାଇଁ ଗୈାରବ ଆଣିପାରିଛନ୍ତି ବୋଲି ଜଲାପାଳ କହିଥିଲେ । ମୋର ସଫଳତା ପଛରେ ବାପା,ମା ଓ ବିଦ୍ୟାଳୟ ଶିକ୍ଷକ ପାଇଁ ହୋଇପାରିଛି । ଗଞ୍ଜାମ ଜିଲାପାଳଙ୍କ ଠାରୁ ସମ୍ବର୍ଦ୍ଧନା ପାଇବା ପରେ ବହୁତ ଖୁସି ଲାଗୁଛି ବୋଲି କହିବା ସହ ଯୁକ୍ତ ୨ ପରେ ଆଇଆଇଟିରେ ପଢିବାକୁ ଲକ୍ଷ୍ୟ ରଖିଥିବା ଅଂଶୁମାନ କହିଥିଲେ । ଏହି ସମ୍ବର୍ଦ୍ଧନା କାର୍ଯ୍ୟକ୍ରମରେ ଗଞ୍ଜାମ ଜିଲା ଶିକ୍ଷାଧିକାରୀ ଅଜୟ କୁମାର ପାତ୍ର, ଜିଲାଅନୁସୂଚିତ ଜାତି / ଜନ ଜାତି ସଂଯୋଜକ ସରୋଜ ମୋହନ ପାଳ, ଓଡିଶା ଆଦର୍ଶ ବିଦ୍ୟାଳୟର ଭାରପ୍ରାପ୍ତ ପ୍ରିନ୍ସପାଲ ଆଶିଷ ମିଶ୍ର ଓ ଅଂଶୁମାନଙ୍କ ବାପା ପ୍ରଫୁଲ କୁମାର ପଣ୍ଡା ଉପସ୍ଥିତଥିଲେ ।
Dharitri – Odisha’s No.1 Odia Daily