ହାଇଦ୍ରାବାଦ, ୧୩ା୩: ଆନ୍ଧ୍ରପ୍ରଦେଶର ତିରୁପତି ନିକଟରେ ଥିବା ବିଦ୍ୟାନଗର ଅଞ୍ଚଳରେ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି। ମା’ ଅସୁସ୍ଥ ଥିବାରୁ ସେ ଶୋଇଛନ୍ତି ଭାବି ଜଣେ ୧୦ ବର୍ଷର ବାଳକ ତାଙ୍କ ମୃତଦେହ ନିକଟରେ ୪ ଦିନ ବିତାଇଛନ୍ତି। ଘରୁ ପଚାଗନ୍ଧ ବାହାରିବା ପରେ ଘଟଣା ବାବଦରେ ଜଣାପଡ଼ିଛି। ଗତ ୮ ତାରିଖରୁ ମହିଳା ଜଣଙ୍କର ମୃତ୍ୟୁ ଘଟିଥିବା ପୋଲିସ କହିଛି।
ନାମ୍ନୀ ମହିଳା ତାଙ୍କ ପୁଅ ଶ୍ୟାମ କିଶୋରଙ୍କ ସହ ରହୁଥିଲେ। କୌଣସି ବିବାଦ କାରଣରୁ ତାଙ୍କ ସ୍ବାମୀ ପାଖରେ ନ ଥିଲେ। ରାଜ୍ୟଲକ୍ଷ୍ମୀଙ୍କ ଦେହ ଅସୁସ୍ଥ ଥିବାରୁ ସେ ଘରେ ଥିଲେ। ଗତ ୮ ତାରିଖରେ ସେ ବାନ୍ତି କରିବା ସହ ହଠାତ୍ ଅଚେତ ହୋଇପଡ଼ିଥିଲେ। ହେଲେ ଶ୍ୟାମ କିଶୋର ଏ ବାବଦରେ କିଛି ବୁଝିପାରି ନ ଥିଲେ। ଏଥିସହ ମା’ଙ୍କ ଦେହ ଭଲ ନ ଥିବାରୁ ସେ ବିଶ୍ରାମ ନେଉଛନ୍ତି ମନେକରି ତାଙ୍କୁ ଉଠାଇ ନ ଥିଲେ। ରାଜ୍ୟଲକ୍ଷ୍ମୀଙ୍କ ମରଶରୀର ସେବେଠାରୁ ଘରେ ଥିଲା ଏବଂ ଶ୍ୟାମ କିଶୋର ମା’ଙ୍କ ସହ ସେଠାରେ ୪ ଦିନ ରହିଥିଲେ। ଘରୁ ଗନ୍ଧ ବାହାରିବାରୁ ସେ ଜଣେ ସମ୍ପର୍କୀୟଙ୍କୁ ଏ ନେଇ ଜଣାଇଥିଲେ। ଖବରପାଇ ପୋଲିସ ମୃତଦେହ ଜବତ କରିଛି।
