ସୁରଟ, ୨୨/୧୦: ଜଗତଜନନୀ ମା’ ଦୁର୍ଗାଙ୍କ ଆଗମନରେ ସମଗ୍ର ଦେଶରେ ଏବେ ଉତ୍ସବର ମାହୋଲ। ଏହି ଉତ୍ସବକୁ ଆହୁରି ଟିକିଏ ରୋଚକ କରିବାକୁ ବିଭିନ୍ନ ସ୍ଥାନରେ ଦାଣ୍ଡିଆ ନାଚ ଆୟୋଜିତ ହେଉଥିଲା ବେଳେ ଏଠାରୁ ଆସିଛି ଦୁଖଦଃ ଖବର। ଗୁଜରାଟରେ ଗତ ୨୪ ଘଣ୍ଟା ମଧ୍ୟରେ ଯୁବକଙ୍କ ଠାରୁ ଆରମ୍ଭ କରି ବୟସ୍କ ମାନଙ୍କୁ ମିଶାଇ ୧୦ ଜଣ ହୃଦଘାତର ଶିକାର ହୋଇଛନ୍ତି।
ଦାଣ୍ଡିଆ ନାଚ ସମୟରେ ଦାଭୋଇ ବରୋଦାରେ ଜଣେ ୧୩ ବର୍ଷିଆ ନାବାଳକ ହୃଦଘାତର ଟଳିପଡିଛନ୍ତି। ସେହିପରି ଶନିବାର ଅହମଦାବାଦରେ ଜଣେ ୨୪ ବର୍ଷିଅ ଯୁବକ ଦାଣ୍ଡିଆ ନାଚୁଥିବା ସମୟରେ ହଠାତ ହୃଦଘାତରେ ଜୀବନ ହରାଇଛନ୍ତି। କପଡାଗଞ୍ଜରେ ମଧ୍ୟ ଜଣେ ୧୭ ବର୍ଷୀୟ ନାବାଳକ ସମାନ ସମସ୍ୟାର ସମ୍ମୁଖହୀନ ହୋଇଥିଲେ। ଏହିଭଳି ସମାନ ପ୍ରକାର ଅନେକ ଘଟଣା ସମଗ୍ର ରାଜ୍ୟରେ ଦେଖିବାକୁ ମିଳିଛି।
ଏହା ବ୍ୟତୀତ, ନବରାତ୍ରୀର ପ୍ରଥମ ଛଅ ଦିନ ମଧ୍ୟରେ, ୧୦୮ ଜରୁରୀକାଳୀନ ଆମ୍ବୁଲାନ୍ସ ସେବା ହୃଦଘାତ ଘଟଣା ପାଇଁ ୫୨୧ କଲ୍ ଏବଂ ନିଶ୍ୱାସ ପ୍ରଶ୍ୱାସ ପାଇଁ ଅତିରିକ୍ତ ୬୦୯ କଲ୍ ଗ୍ରହଣ କରିଥିଲେ। ଏହି କଲ୍ ଗୁଡିକ ସନ୍ଧ୍ୟା ୬ ରୁ ୨ ଟା ମଧ୍ୟରେ ରେକର୍ଡ କରାଯାଇଥିଲା, ଯେତେବେଳେ ସାଧାରଣତ ଦାଣ୍ଡିଆ ଉତ୍ସବ ପାଳନ ହୁଏ।
ଏହି ଉଦବେଗଜନକ ଘଟଣାକୁ ନଜରରେ ରଖି ସରକାର ଏବଂ ଇଭେଣ୍ଟ ଆୟୋଜକଙ୍କୁ ପଦକ୍ଷେପ ନେବାକୁ କହିଛନ୍ତି। ରାଜ୍ୟ ସରକାର ଦାଣ୍ଡିଆ କାର୍ଯ୍ୟକ୍ରମ ହେଉଥିବା ସ୍ଥାନରେ ଥିବା ସମସ୍ତ ସରକାରୀ ଡାକ୍ତରଖାନା ଏବଂ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର (ସିଏଚସି) କୁ ସତର୍କ ସୂଚନା ଜାରି କରି ସେମାନଙ୍କୁ ସତର୍କ ରହିବାକୁ ଅନୁରୋଧ କରିଛନ୍ତି।
ଜରୁରୀକାଳୀନ ପରିସ୍ଥିତିରେ ଘଟଣାଗୁଡ଼ିକରେ ଶୀଘ୍ର ପ୍ରବେଶ କରିବା ପାଇଁ ଆମ୍ବୁଲାନ୍ସ ପାଇଁ କରିଡର ତିଆରି କରିବାକୁ ଦାଣ୍ଡିଆ ଆୟୋଜକମାନଙ୍କୁ ମଧ୍ୟ ନିର୍ଦ୍ଦେଶ ଦିଆଯାଇଛି। ଏହା ବ୍ୟତୀତ ସେମାନଙ୍କ କର୍ମଚାରୀଙ୍କୁ ସିପିଆର ତାଲିମ ପ୍ରଦାନ ଏବଂ ଅଂଶଗ୍ରହଣକାରୀଙ୍କ ପାଇଁ ପାଣିର ପର୍ଯ୍ୟାପ୍ତ ଉପଲବ୍ଧତା ନିଶ୍ଚିତ କରିବାକୁ ସେମାନଙ୍କୁ ମଧ୍ୟ ପରାମର୍ଶ ଦିଆଯାଇଛି।
