ନୂଆଦିଲ୍ଲୀ,୨୨ା୧୦: ଅରୁଣାଚଳପ୍ରଦେଶର ଉପର ସିଆଙ୍ଗ ଜିଲାରେ ଶୁକ୍ରବାର ଭାରତୀୟ ସେନାର ଲଢ଼ୁଆ ହେଲିକପ୍ଟର ରୁଦ୍ର ଦୁର୍ଘଟଣାଗ୍ରସ୍ତ ହେବାରୁ ୨ ପାଇଲଟଙ୍କ ସମେତ ୫ ଜଣଙ୍କ ମୃତ୍ୟୁ ଘଟିଛି। ହିନ୍ଦୁସ୍ଥାନ ଏରୋନଟିକ୍ସ ଲିମିଟେଡ୍ (ଏଚ୍ଏଏଲ୍) ନିର୍ମିତ ଅତ୍ୟାଧୁନିକ ହାଲୁକା ହେଲିକପ୍ଟର ଶୁକ୍ରବାର ସକାଳେ ଲିକାବାଲି ସହରରୁ ୫ ଜଣଙ୍କୁ ନେଇ ଉଡ଼ାଣ କରିବାର କିଛି ସମୟ ପରେ ଏକ ଦୁର୍ଗମ ସ୍ଥାନରେ ଦୁର୍ଘଟଣାଗ୍ରସ୍ତ ହୋଇଥିଲା। ଘଟଣାସ୍ଥଳରେ ଉଦ୍ଧାରକାରୀ ଟିମ୍ ପହଞ୍ଚତ୍ ସମସ୍ତ ୫ ଜଣଙ୍କ ମୃତଦେହ ଠାବ କରିଛି। ଦୁର୍ଘଟଣାସ୍ଥଳକୁ ଯିବା ଲାଗି ରାସ୍ତା ନ ଥିବାରୁ ଉଦ୍ଧାରକାରୀ ଟିମ୍ ହେଲିକପ୍ଟର ଯୋଗେ ସେଠାରେ ପହଞ୍ଚତ୍ଥିଲେ। ମୃତକଙ୍କ ପରିବାର ସଦସ୍ୟଙ୍କୁ ଦୁର୍ଘଟଣା ସମ୍ପର୍କରେ ଜଣାଇବା ପରେ ସେନା ସେମାନଙ୍କ ପରିଚୟ ସାଧାରଣରେ ପ୍ରକାଶ କରିବ।
