କଲମ୍ବୋ,୨୯।୭: ଘରୋଇ ଶ୍ରୀଲଙ୍କା ବୋଲରଙ୍କ ଆଗରେ ଧରାଶାୟୀ ହୋଇଛି ଭାରତୀୟ ଦଳର ବ୍ୟାଟିଂ ଲାଇନଅପ୍। ୨୦ ଓଭରରେ ୮୧ ରନ୍ରେ ଅଟକିଛି ଟିମ୍ ଇଣ୍ଡିଆ।
୩ ମ୍ୟାଚ ବିଶିଷ୍ଟ ଟି୨୦ ସିରିଜ୍ର ଗୁରୁବାର ଅନ୍ତିମ ମ୍ୟାଚରେ ଭାରତୀୟ ଅଧିନାୟକ ଶିଖର ଧାଓ୍ବନ ଟସ୍ ଜିତି ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ। ଏହାକୁ ସଠିକ୍ ସାବ୍ୟସ୍ତ କରିପାରି ନ ଥିଲେ ଟପ୍ଅର୍ଡର।
ଅଧିନାୟକ ଧାଓ୍ବନ ଏବଂ ରୁତୁରାଜ ଗାଏକ୍ୱାଡ଼ ଓପନିଂ କରିଥିଲେ। ହେଲେ ପ୍ରଥମ ଓଭର ୪ ବଲ୍ରେ ଅଧିନାୟକ ଧାଓ୍ବନ ଖାତା ଖୋଲି ନ ପାରି ଆଉଟ୍ ହୋଇଥିଲେ। ସେହିପରି ରୁତୁରାଜ ଗାଏକ୍ୱାଡ଼-୧୪ ରନ୍, ଦେବଦତ୍ତ ପାଡିକଲ-୯, ନୀତୀଶ ରାଣା-୬, ଭୁବନେଶ୍ୱର-୧୬, ରାହୁଲ ଚହର ୫, କୁଲଦୀପ- ୨୩ ରନ୍, ସାକାରିଆ ୫ ରନ୍ କରିଥିଲେ। ଶ୍ରୀଲଙ୍କାର ୱାନିନ୍ଦୁ ହାସରାଙ୍ଗା ୪ ଉଇକେଟ ନେଇଥିବା ବେଳେ ଅଧିନାୟକ ଦାସୁନ ଶାନାକା ୨ ଉଇକେଟ ନେଇଥିଲେ।
