ବମ୍ବେ: ବଲିଉଡ୍ର ଏଭରୟଙ୍ଗ୍ ଅଭିନେତା ଅନିଲ କପୁର ମଙ୍ଗଳବାର ୬୩ତମ ଜନ୍ମଦିନ ପାଳିଛନ୍ତି। ସ୍ତ୍ରୀ ସୁନିତାଙ୍କଠାରୁ ଆରମ୍ଭ କରି ଦୁଇ ଝିଅ, ଜ୍ୱାଇଁ ଏବଂ ପୁଅ ତାଙ୍କୁ ଜନ୍ମଦିନରେ ନିଆରା ଶୁଭେଚ୍ଛା ଜଣାଇଛନ୍ତି। ସୁଦୂର ଲଣ୍ଡନରେ ଏହି ଦିନଟିକୁ ପାଳନ କରାଯାଉଥିବା ସମୟର ଅନେକ ଫଟୋ ସୁନିତା ଏବଂ ସୋନମ୍ ଶେୟାର କରିଛନ୍ତି, ଯାହାକି ଏବେ ଭାଇରାଲ ହେବାରେ ଲାଗିଛି।
ଫଟୋକୁ ଶେୟାର କରିବା ବେଳେ ସୁନିତା ଲେଖିଛନ୍ତି, ହାପି ବାର୍ଥ ଡେ ହଜ୍ବ୍ୟାଣ୍ଡ। ଯେତେବେଳ ପର୍ଯ୍ୟନ୍ତ ତୁମକୁ କେତେ ଭଲପାଏ ନ କୁହେ, ମୋ ଦିନ କଟେ ନାହିଁ। ଏ ଫଟୋ ଶେୟାର କରିବା ସମୟରେ ଖୁସି ଲାଗୁଛି। ସେହିଭଳି ସୋନମ୍ ମଧ୍ୟ ‘ଲଭ୍ ୟୁ ଡାଡି’ ଲେଖି ଅନିଲଙ୍କ ଫଟୋ ପୋଷ୍ଟ କରିଛନ୍ତି। ଏସବୁ ମଧ୍ୟରେ ସୋଫା ଉପରେ ଥିବା ଏକ ଲେଖା ଦୃଷ୍ଟି ଆକର୍ଷଣ କରୁଛି। ଏଥିରେ ଅନିଲଙ୍କ ୨୧ତମ ଜନ୍ମଦିନ ବୋଲି ଲେଖାହୋଇଛି। ଏହାପରେ ଖାଇବାରେ ଥିବା ବିଭିନ୍ନ ବ୍ୟଞ୍ଜନର ନାମ ମଧ୍ୟ ଲେଖାଯାଇଛି।
ଅପରପକ୍ଷେ ଏହି ଖାସ ଦିନରେ ଅନିଲଙ୍କ ଆଗାମୀ ଫିଲ୍ମ ‘ମଲଙ୍ଗ’ର ଲୁକ୍ ସାମ୍ନାକୁ ଆସିଛି। ସେ ନିଜେ ସୋସିଆଲ ମିଡିଆରେ ପ୍ରଶଂସକଙ୍କ ଲାଗି ଏହାକୁ ଶେୟାର କରିଛନ୍ତି।
