ନୂଆଦିଲ୍ଲୀ,୧୭-୭: ଟିକସ ଅଧିକାରୀମାନେ ଆର୍ଥିକ ବର୍ଷ ୨୦୧୮-୧୯ରେ ୩୭,୯୪୬ କୋଟି ଏବଂ ଚଳିତ ଆର୍ଥିକ ବର୍ଷର ଏପ୍ରିଲ-ଜୁନ୍ରେ ୬୫୨୦ କୋଟି ଟଙ୍କାର ଜିଏସଟି ଫାଙ୍କି ଧରିପାରିଛନ୍ତି। ଅର୍ଥମନ୍ତ୍ରୀ ନିର୍ମଳା ସୀତାରାମନ୍ ମଙ୍ଗଳବାର ପାର୍ଲାମେଣ୍ଟରେ ଏକ ପ୍ରଶ୍ନର ଉତ୍ତର ଦେଇଛନ୍ତି। ଅନ୍ୟପକ୍ଷରେ ଚଳିତ ଆର୍ଥିକ ବର୍ଷର ଏପ୍ରିଲ-ଜୁନ୍ରେ ୨୮୦୫ କୋଟି ଏବଂ ୨୦୧୮-୧୯ରେ ୧୬୨୦ ମାମଲାରେ ୧୧,୨୫୧.୨୩ କୋଟି ଟଙ୍କାର ଜାଲ୍ ଇନ୍ଭଏସ ମାଧ୍ୟମରେ ଟ୍ୟାକ୍ସ କ୍ରେଡିଟ ଧରାଯାଇଛି ବୋଲି ଅର୍ଥ ରାଷ୍ଟ୍ରମନ୍ତ୍ରୀ ଅନୁରାଗ ସିଂ ଠାକୁର ଅନ୍ୟ ଏକ ପ୍ରଶ୍ନର ଉତ୍ତରରେ କହିଛନ୍ତି। ଏ ସଂକ୍ରାନ୍ତରେ ୧୫୪ ଜଣଙ୍କୁ ଗିରଫ କରାଯାଇଥିବା ସେ ସୂଚାଇଛନ୍ତି। ଚଳିତବର୍ଷ ଏପ୍ରିଲରୁ ଜୁନ୍ ମଧ୍ୟରେ ୨୮୦୪.୯୮ କୋଟି ଟଙ୍କାର ୬୬୬ ଜାଲ୍ ଇନ୍ଭଏସ ମାମଲା ଧରାପଡିଛି। ଏଥିରେ ୪୧ ଜଣ ଗିରଫ ହୋଇଛନ୍ତି। ଠାକୁର କହିଛନ୍ତି ଯେ, ଟିକସ ଜାଲିଆତି ଧରିବା ପାଇଁ ଟିକସ ଅଧିକାରୀଙ୍କ ପକ୍ଷରୁ ଏକାଧିକ ପଦକ୍ଷେପ ନିଆଯାଉଛି।
