ନୂଆପଡା ଅଫିସ,୨୯ା୮: ସ୍ଥାନୀୟ ମିନିଷ୍ଟାଡିୟମରେ ନୂଆପଡା ଫୁଟବଲ ଆସୋସିଏଶନ ପକ୍ଷରୁ ପ୍ରିମିୟର ଲିଗ ଫୁଟବଲ ଟୁର୍ନାମେଣ୍ଟ ବୁଧବାର ଉଦ୍ଘାଟିତ ହୋଇଯାଇଛି। ଉଦ୍ଘାଟନୀ ମ୍ୟାଚରେ ଖଡିଆଳ ଏବଂ ନୂଆପଡା ଦଳ ବିଜୟୀ ହୋଇ ପରବର୍ତ୍ତୀ ପର୍ଯ୍ୟୟକୁ ଉନ୍ନୀତ ହୋଇଛନ୍ତି। ପ୍ରଥମ ମ୍ୟାଚ ଖଡିଆଳ ଏବଂ ଖରିଆରରୋଡ ମଧ୍ୟରେ ହୋଇଥିଲା। ଏଥିରେ ଖଡିଆଳ ଦଳ ୧-୦ ଗୋଲରେ ବିଜୟୀ ହୋଇଥିଲା। ଦ୍ୱିତୀୟ ମ୍ୟାଚ ପାତଳ ଗଙ୍ଗା ବୋଡେନ ଏବଂ ପ୍ଲେବଏ ନୂଆପଡା ମଧ୍ୟରେ ହୋଇଥିଲା। ଟ୍ରାଇବେକରରେ ନୂଆପଡା ଦଳ ୧-୦ ଗୋଲରେ ବିଜୟୀ ହୋଇଥିଲା। ଟୁର୍ନାମେଣ୍ଟକୁ ପରିଚାଳନା କମିଟି ତରଫରୁ ରାଜୁ ମହାନ୍ତି, ଧନୀ ନାଗ, ଅନୀଲ ଦାସ, ସତ୍ୟ ପଟେଲ ପ୍ରମୁଖ ପରିଚାଳନା କରୁଥିଲେ। ରେଫରୀ ଭାବେ ହରିହର ସାହୁ, ବଳରାମ କଲାର, ସତ୍ୟାନନ୍ଦ ମାଝି, ଗୁଡୁ ଛତ୍ରିଆ ପ୍ରମଖ ସହାୟତା କରୁଛନ୍ତି । ଅପରାହ୍ନ ସାଢେ ୪ଟାରେ ଅନୁଷ୍ଠିତ ଉଦ୍ଘାଟନୀ କାର୍ଯ୍ୟକ୍ରମରେ ଜିଲା ଓକିଲ ସଂଘ ସଭାପତି ପ୍ରସନ୍ନ କୁମାର ପାଢୀ, ବିଶେଷ ଅତିଥି ଜିଲା ପରିଷଦ ଅଧ୍ୟକ୍ଷା ନମିତା ସାହୁ , ରାଜ୍ୟ କ୍ରିକେଟ ଆସୋସିଏଶନ ଉପସଭାପତି ସରୋଜ କୁମାର ସାହୁ, ପ୍ରକାଶ ସାହୁ, ସଞ୍ଜୁ ପୁରୋହିତ, ରାଜେଶ ନିଗମ, ଟୁଲୁ ପାଢୀ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇଥିଲେ।
