ନୂଆଦିଲ୍ଲୀ,୨୩।୩: ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି। ଏହାକୁ ଦୃଷ୍ଟିରେ ରଖି ଭାରତ ସରକାର ପ୍ରଥମେ ଟ୍ରେନ୍ ସେବା ଓ ଅନ୍ତର୍ଜାତୀୟ ବିମାନ ସେବା ବନ୍ଦ କରିଥିଲେ। ମଙ୍ଗଳବାର ମଧ୍ୟରାତିଠାରୁ ସମସ୍ତ ଘରୋଇ ବିମାନ ସେବାକୁ ବନ୍ଦ କରାଯିବାକୁ ନିଷ୍ପତ୍ତି ନିଆଯାଇଛି। ଏ ନେଇ ସୋମବାର ବେସାମରିକ ବିମାନ ଚଳାଚଳ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି। ତେଣୁ ମଙ୍ଗଳବାର ରାତି ୧୨ଟା ପୂର୍ବରୁ ସମସ୍ତ ବିମାନ ସେମାନଙ୍କ ଗନ୍ତବ୍ୟସ୍ଥଳରେ ପହଞ୍ଚିବାକୁ ବିମାନ କମ୍ପାନୀକୁ ଜଣାଇଦିଆଯାଇଛି। ତେବେ ମାଲବାହୀ ବିମାନଗୁଡିକ ପୂର୍ବପରି ଉଡାଣ କରିବେ ବୋଲି କୁହାଯାଇଛି।