କାଳିଆପାଣି,୨୫ା୧୦(ଡି.ଏନ୍.ଏ.): ବକେୟା ଦରମା, ବୋନସ୍ ଏବଂ ଅବସରକାଳୀନ ଭର୍ତ୍ତା ଦାବିରେ ଅଟୱାଲ କର୍ମଚାରୀଙ୍କ ଧାରଣା ଜାରି ରହିଛି। ଗାନ୍ଧୀ ଜୟନ୍ତୀଠାରୁ ଆରମ୍ଭ ହୋଇଥିବା ଧାରଣା ଗୁରୁବାର ୨୨ ଦିନରେ ପହଞ୍ଚତ୍ଛି। ହେଲେ ବର୍ତ୍ତମାନ ପର୍ଯ୍ୟନ୍ତ କର୍ମଚାରୀଙ୍କ ଦାବି ସମାଧାନ ଦିଗରେ ଖଣି କର୍ତ୍ତୃପକ୍ଷ ଏବଂ ଜିଲା ପ୍ରଶାସନ ବିଫଳ ହୋଇଛି। ଅପରପକ୍ଷେ କର୍ମଚାରୀଙ୍କ ସମସ୍ୟାକୁ ନେଇ ବିଧାୟକ ପ୍ରୀତିରଞ୍ଜନ ଘଡ଼ାଇ ଟାଟା, ଅଟୋୱାଲର କର୍ତ୍ତୃପକ୍ଷଙ୍କ ସହ ଆଲୋଚନା ଜାରିରଖିଛନ୍ତି। ପୂର୍ବରୁ ଶ୍ରମିକ ସଂଗଠନର ଜିଲା କାର୍ଯ୍ୟକର୍ତ୍ତା ଧାରଣାକାରୀଙ୍କ ସହ ଆଲୋଚନା କରି ସମାଧାନ କରିବା ପାଇଁ ଅଟୱାଲ କମ୍ପାନୀକୁ ୧୫ ଦିନ ସମୟ ଦେଇଥିଲେ। ଇତି ମଧ୍ୟରେ ୧୫ ଦିନରୁ ଅଧିକ ସମୟ ହାଇଥିଲେ ମଧ୍ୟ ଏହାର ସମାଧାନ ହୋଇ ନ ଥିବାରୁ କର୍ମଚାରୀଙ୍କ ଧାରଣା ଜାରି ରହିଛି । ଏଭଳିସ୍ଥିତିରେ ଗୁରୁବାର ବିଶ୍ୱମାନବିକ ଅଧିକାର ରକ୍ଷା ସଂଗଠନର ଜାତୀୟ ସଭାପତି ଅଭିନ୍ନ ହୋତାଙ୍କ ସହ ବିଭିନ୍ନ ଜିଲାର କର୍ମକର୍ତ୍ତା କର୍ମଚାରୀଙ୍କୁ ଭେଟି ଦିବି ସମ୍ପର୍କରେ ପଚାରି ବୁଝିଥିଲେ। ଅଟୋୱାଲ, ଟାଟା କମ୍ପାନୀ ଶ୍ରମିକଙ୍କ ମାନବିକ ଅଧିକାର କ୍ଷ୍ୟୁର୍ଣ୍ଣ କରିବା ସହ ହକ୍ ପାଇବାରୁ ବଞ୍ଚତ୍ତ କରୁଛି। ଏହାକୁ ନେଇ ଶୁକ୍ରବାର ରାଜ୍ୟ ମାନବିକ ଅଧିକାର ଓ ଶ୍ରମ ବିଭାଗ କମିଶନରଙ୍କୁ ଭେଟି ଲିଖିତ ତଥ୍ୟ ପ୍ରଦାନ କରିବେ ବୋଲି କାଳିଆପାଣି ଖଣି ନିଗମ ଅତିଥିଶାଳାରେ ଅନୁଷ୍ଠିତ ଏକ ଖବରଦାତା ସମ୍ମିଳନୀରେ ହୋତା ସୂଚନା ଦେଇଛନ୍ତି। ଖବରଦାତା ସମ୍ମିଳନୀରେ କଟକ ଜିଲା ସଭାପତି ସନ୍ତୋଷ କୁମାର ଭୋଳ, ବାଲେଶ୍ୱର ଜିଲା ସଭାପତି ସଂଘମିତ୍ରା ମହାନ୍ତି, ଦେବିଦତ୍ତ ସାମନ୍ତ ରାୟ, ବ୍ରହ୍ମପୁର ସଭାପତି ଅନୁପମା ପାଢୀ, ଜାତୀୟ ସଭ୍ୟ ଗୋପାଲ ଖଣ୍ଡେଲୱାଲ, ରାଜ୍ୟ ସଂଯୋଜକ ରାଜେଶ ମଲ୍ଲିକ, ଆଶୁତୋଷ ଲେଙ୍କା, ଜାତୀୟ ସଂଯୋଜକ ପ୍ରଦୀପ କୁମାର ହୋତା, ଯାଜପୁର ଜିଲା ସଭାପତି ତୁଷାରକାନ୍ତ ଷଣ୍ଢ , ହରେକୃର୍ଷ୍ଣ ଭଞ୍ଜ, ବିମଳ କୁମାର ରଣା, ମନୋଜ କୁମାର ବେହେରା, ମାଧବ ଦାସ ପ୍ରମୁଖ ସଂଗଠନର କର୍ମକର୍ତ୍ତା ସାମିଲ ହୋଇଥିଲେ।
