୨୧ ନୁହେଁ ୨୫ରେ ନଗଡ଼ା ଆସିବେ ଲୋକାୟୁକ୍ତ ପ୍ରତିନିଧିଦଳ
10:27 amMarch 4, 2020 / 43

ଯାଜପୁର ଅଫିସ, ୪।୩: ଯାଜପୁର ଜିଲା ନଗଡ଼ାର ବିକାଶରେ ବ୍ୟାପକ ଦୁର୍ନୀତି ହୋଇଥିବା ନେଇ ଓଡ଼ିଶା ଲୋକାୟୁକ୍ତଙ୍କ ନିକଟରେ ଅଭିଯୋଗ ହୋଇଥିଲା। ଏନେଇ ଏଲ୍‌ଓ୍ବାଇ କେସ୍‌ ନଂ.୪୫୫/୨୦୧୯ରେ ଏକ ମାମଲା ରୁଜୁ ହୋଇଥିଲା। ଉକ୍ତ ମାମଲାର ତଦନ୍ତ କରିବା ପାଇଁ ଆସନ୍ତା ୨୧ରେ ଲୋକାୟୁକ୍ତଙ୍କ ଏକ ପ୍ରତିନିଧିଦଳ ନଗଡ଼ା ଗସ୍ତ କରିବେ ବୋଲି ନିଷ୍ପତ୍ତି ହୋଇଥିଲା। ଏହା ଜଣାପଡ଼ିବାପରେ ଜିଲା ପ୍ରଶାସନ ପକ୍ଷରୁ ବିଭିନ୍ନ ଉନ୍ନୟନ ମୂଳକ କାର୍ଯ୍ୟର ତଦାରଖ କରାଯିବା ସହ ଗ୍ରାମ୍ୟ ନିର୍ମାଣ ବିଭାଗ ପକ୍ଷରୁ ନଗଡ଼ାକୁ ନିର୍ମାଣ ହେଉଥିବା ରାସ୍ତାର ମରାମତି କରିବାକୁ ପଦକ୍ଷେପ ନିଆଯାଇଥିଲା। ତେବେ ଲୋକାୟୁକ୍ତ ବିଚାରପପତି ଅଜିତ ସିଂ ୨୧ତାରିଖରେ କୌଣସି କାରଣବଶତଃ ଓଡ଼ିଶାରେ ଅନୁପସ୍ଥିତ ରହୁଥିବା କାରଣରୁ ନଗଡ଼ା ଗସ୍ତକୁ ଆସନ୍ତା ୨୫ତାରିଖକୁ ଘୁଞ୍ଚାଇ ଦିଆଯାଇଥିବା ଲୋକାୟୁକ୍ତ ଅଧ୍ୟକ୍ଷ ଗତ ୨୬ ତାରିଖ ଶୁଣାଣିରେ ନିର୍ଦ୍ଦେଶ ଦେଇଛନ୍ତି ।