ଭାରତ ସର୍ବଦା ସଂସ୍କୃତି ଏବଂ ଅର୍ଥବ୍ୟବସ୍ଥା ସହିତ ଯୋଡ଼ି ହୋଇରହିଛି। ଭାରତର କିଛି ରାଜ୍ୟ ସମୃଦ୍ଧିଶାଳୀ ଭାବେ ପରିଗଣିତ। ଯେଉଁ ରାଜ୍ୟର ବାର୍ଷିକ ଆୟ ଯେତେ ଅଧିକ ତା’ର ସେତିକି ପ୍ରଗତି ହୋଇଥାଏ। ଏକ ଆକଳନରୁ ଜଣାପଡ଼ିଛି, ବାର୍ଷିକ ଆୟ ହିସାବରେ ଭାରତରେ ୧୦ଟି ରାଜ୍ୟ ଧନୀ। ଜାଣନ୍ତୁ ଏ ସମ୍ପର୍କରେ …
ମହାରାଷ୍ଟ୍ର : ଏହାର ରାଜଧାନୀ ମୁମ୍ବାଇକୁ ଭାରତର ଆର୍ଥିକ ରାଜଧାନୀ କୁହାଯାଏ। ବ୍ୟାପକ ସୂଚନା ପ୍ରାଦ୍ୟୋଗିକ (ଆଇଟି) ଉଦ୍ୟୋଗ କ୍ଷେତ୍ରରେ ଏହା ସବୁଠୁ ଆଗରେ। ମହାରାଷ୍ଟ୍ରର ବାର୍ଷିକ ଆୟ ୨୫.୩୫ ଲକ୍ଷ କୋଟି।
ତାମିଲନାଡୁ : ଐତିହାସିକ ମନ୍ଦିର ଏବଂ ଅଦ୍ଭୁଦ ଖାଦ୍ୟପେୟ ପାଇଁ ତାମିଲନାଡୁ ପ୍ରସିଦ୍ଧ। ଏଠାରେ ସାକ୍ଷରତା ହାର ଅଧିକ। ଏଥିପାଇଁ ଏହାକୁ ‘ମଡେଲ ରାଜ୍ୟ’ କୁହାଯାଏ। ଏହାର ବାର୍ଷିକ ଆୟ ୧୩.୩୯ ଲକ୍ଷ କୋଟି।
କର୍ନାଟକ : ଏହାର ପ୍ରାଥମିକ କେନ୍ଦ୍ର ବେଙ୍ଗାଲୁରୁ ଦେଶର ସବୁଠୁ ବିକାଶଶୀଳ। ଏଠାରେ ଏକ ବିଶାଳ ଆଇଟି ଉଦ୍ୟୋଗ ରହିଛି। ଏହାର ବାର୍ଷିକ ଆୟ ୧୨.୮୦ କୋଟିରୁ ଊର୍ଦ୍ଧ୍ୱ।
ଗୁଜରାଟ : ଏହାଦେଶର ସବୁଠୁ ପ୍ରଭାବଶାଳୀ ରାଜ୍ୟ। ଏହାର ବର୍ତ୍ତମାନ ବାର୍ଷିକ ଆୟ ୧୨.୭୫ ଲକ୍ଷ କୋଟି। ଗୁଜରାଟକୁ ବ୍ୟବସାୟର ଅନୁକୂଳ ରାଜ୍ୟ କୁହାଯାଏ।
ପଶ୍ଚିମବଙ୍ଗ : କୋଲକାତା ଏବଂ ଏହାର ଆଖପାଖ ଅଞ୍ଚଳରେ ବର୍ତ୍ତମାନ ଢାଞ୍ଚାଗତ ଗୁଣବତ୍ତାରେ ବୃଦ୍ଧି ଘଟୁଛି । ଏହାର ବାର୍ଷିକ ଆୟ ୯.୨୦ ଲକ୍ଷ କୋଟି।
ରାଜସ୍ଥାନ : ଏହାର ବର୍ତ୍ତମାନ ବାର୍ଷିକ ଆୟ ୭.୫୦ ଲକ୍ଷ କୋଟି। ରାଜସ୍ଥାନର ମୁଖ୍ୟ ଆୟ ପର୍ଯ୍ୟଟନ କ୍ଷେତ୍ରରୁ ହୋଇଥାଏ। ସେହିପରି କେରଳ, ତେଲେଙ୍ଗାନା ଏବଂ ମଧ୍ୟପ୍ରଦେଶର ବାର୍ଷିକ ଆୟ ଯଥାକ୍ରମେ ୭.୪୮ ଲକ୍ଷ କୋଟି, ୭.୫୦ ଲକ୍ଷ କୋଟି ଏବଂ ୭.୩୫ ଲକ୍ଷ କୋଟି।
