ବାହାନଗା, ୧୩ା୧୧(ଡି.ଏନ.ଏ.)-ବଙ୍ଗୋପସାଗର ସୃଷ୍ଟି ହୋଇଥିବା ଲଘୁଚାପ ବୁଲବୁଲ ପ୍ରଭାବରେ ବାଲେଶ୍ୱର ଜିଲା ବାହାନଗା ବ୍ଲକର ବିଭିନ୍ନ ପଞ୍ଚାୟତରେ ବ୍ୟାପକ କ୍ଷତି ହୋଇଛି। ଏହାକୁ ନେଇ ଚାଷୀମାନେ ମୁଣ୍ଡରେ ହାତ ଦେଇ ବସିଛନ୍ତି ା କୃଷିବିଭାଗ ତରଫରୁ ପ୍ରାଥମିକ ତଦନ୍ତ ଆରମ୍ଭ ହୋଇଛି ା ବ୍ଲକର ୨୪ ପଞ୍ଚାୟତର ୧୮ ହଜାର ୧୦୮ ହେକ୍ଟର ଚାଷ ଜମିରେ ଧାନ ଚାଷ ହୋଇଥିଲା ା ତେବେ ପ୍ରବଳ ବେଗରେ ପବନ ବହି ୨୪ ପଞ୍ଚାୟତର ବିଭିନ୍ନ ଅଞ୍ଚଳର ଚାଷ ଜମିରେ ଥିବା ଥୋଡ ଧାନ ଓ ବାହାରୁଥିବା ଧାନ ଉପରେ ପାଣି ଉପରେ ମାଡିଯାଇଛି ା ଧାନ ଗଛ ଉପରେ ବର୍ଷା ପାଣି ଲହଡି ଖେଳୁଛି ା ଜମିରୁ ବର୍ଷାଜଳ ନିଷ୍କାସନ ହୋଇପାରୁ ନ ଥିବାରୁ ବ୍ୟାପକ କ୍ଷତି ହୋଇଛି ା
କୃଷି ବିଭାଗ ତରଫରୁ କରାଯାଇଥିବା ପ୍ରାଥମିକ ଆକଳନରେ ବ୍ଲକର ଶତକଡା ୩୫ ଭାଗ ଧାନ କ୍ଷତି ହୋଇଛି। ଫଳରେ ୧୮ହଜାର ୧୦୮ ହେକ୍ଟର ମଧ୍ୟରୁ ୩ ହଜାର ହେକ୍ଟର ଜମିର ଧାନ କ୍ଷତି ହୋଇଥିବା ଜଣାପଡିଛି ା ବ୍ଲକର ୨୪ ପଞ୍ଚାୟତର ୧୭୪ଟି ଗ୍ରାମରେ ଥିବା ଚାଷ ଜମି ମଧ୍ୟରୁ କେତେକାଂଶରେ ୧୦ରୁ ୨୦ ଭାଗ ଜମିର ଧାନ କ୍ଷତି ହୋଇଥିବା ଜଣାପଡିଛି ା ଆସନ୍ତା ୧୮ ତାରିଖ ସୁଦ୍ଧା ବିଭାଗକୁ ସମ୍ପୂର୍ଣ୍ଣ ତଦନ୍ତ ରିପୋର୍ଟ ଦେବା ପାଇଁ ଜିଲାପାଳ ନିର୍ଦ୍ଦେଶ ଦେଇଛନ୍ତି। ପଣ୍ଡାଶୁଣି, ବରିପଦା, ଗୋପାଳପୁର ଓ ଚିତ୍ତଳ ପଞ୍ଚାୟତରେ କ୍ଷତି ହୋଇଥିବା ପ୍ରାଥମିକ ରିପୋର୍ଟରୁ ଜଣାପଡିଛି । ତେବେ ପବନ ୭୦ ରୁ ୮୦ କିଲୋମିଟର ବେଗରେ ବହିଥିବାରୁ ବିଶେଷ କରି ପାଚି ଆସୁଥିବା ଧାନ ଗଛ ଉପରେ ଏହାର ପ୍ରଭାବ ପଡିଥିବା ବିଭାଗ ତରଫରୁ କୁହାଯାଇଛି। ଏ ବିଷୟରେ ବାଲିକତ୍ତିରଣ ଗ୍ରାମର ଚାଷୀ ଭାସ୍କର ଚନ୍ଦ୍ର ଦାସ, ବୁଦ୍ଧିରାମ ସାହୁ, ରଞ୍ଜିତା ଦାସ, ଚିତ୍ତଳର ଦିବାକର ମହାଳିକ, କରଞ୍ଜାବିନ୍ଧା ଗ୍ରାମର ପୂର୍ଣ୍ଣଚନ୍ଦ୍ର ଯେନା, ଅରୁଣ କୁମାର ଯେନା, ଦୟାନିଧି ବେହେରା, ଗିଲିଦାର ଅନନ୍ତ କୁମାର ପଣ୍ଡା ପ୍ରମୁଖ ଧାନ ପାଣିରେ ବୁଡି ରହିଥିବାରୁ ତାହା ବିକ୍ରି ଉପଯୋଗୀ ହେବନାହିଁ ା ଅନ୍ୟପକ୍ଷରେ ବାହାରୁଥିବା ଧାନସବୁ ପବନ ମାଡରେ ଅଗାଡି ହୋଇଯିବ । ଧାର କରଜ ଓ ବ୍ୟାଙ୍କରୁ ଚାଷ ଋଣ କରିଥିବା ବେଳେ ଏବେ ଧାନର ଯେଉଁ ଅବସ୍ଥା ହୋଇଛି ତାହା ମିଳିବା ଅସମ୍ଭବ ହୋଇପଡିଛି। ତାହା କିପରି ପରିଶେଧ କରାଯିବା ସେହି ଚିନ୍ତାରେ ମୁଣ୍ଡ କାମ କରୁନାହିଁ ା ଏକର ଏକର ଜିମିରେ ଧାନ ଗଛ ପାଣିରେ ଶୋଇରହିଛି ା ସରକାର ଘୋଷଣା କରିଥିବା ସହାୟତା ରାଶି ସମୁଦ୍ରକୁ ଶଙ୍ଖେ ବୋଲି ପ୍ରକାଶ କରିଛନ୍ତି ା ଏ ସମ୍ପର୍କରେ ବ୍ଲକ ସହକରି କୃଷି ଅଧିକାରୀ ରଙ୍ଗନାଥ ପାତ୍ର କହିଛନ୍ତି, ବ୍ଲକର ଶତକଡା ୩୫ ଭାଗ ଜମିରେ ଧାନ ନଷ୍ଟ ହୋଇଥିବା ଦେଖାଯାଇଛି। ପୁନର୍ବାର ଆରଆଇ, ଭିଏଲଡବ୍ଲ୍ୟୁମାନଙ୍କ ଦ୍ୱାରା ମିଳିତ ତଦନ୍ତ କରିବା ପରେ ପ୍ରକୃତ କେତେ କ୍ଷତି ହୋଇଛି ଜଣାପଡିବ ା
