ଆର.ଉଦୟଗିରି,୧୩ା୫(ଡି.ଏନ.ଏ.)- ଅଡବା ପୋଲିସ ଏକ ବାଇକ ଚୋର ରାକେଟ୍ର ପର୍ଦ୍ଧାଫାଶ କରିବା ସହ ୧୭ ଚୋରା ବାଇକ ଜବତ କରି ୨ଜଣଙ୍କୁ ଗିରଫ କରିଛି। ସେମାନେ ହେଲେ ବିରିକୋଟ ଗ୍ରାମ ଖ୍ରୀଷ୍ଟିୟାନ ସାହିର ସଲ୍ମନ ନାୟକ, ତ୍ରିନାଥ ରେଡ୍ଡୀ। ଅଡବା ଥାନା ଭାରପ୍ରାପ ଅଧିକାରୀ ଆଲୋକ ରଞ୍ଜନ ଜଗଦଲାଙ୍କ ସୂଚନା ଅନୁଯାୟୀ, ୧୨ ତାରିଖରେ ପେଟ୍ରୋଲିଂବେଳେ ସଲ୍ମନ୍ ଯାଉଥିବା ବାଇକକୁ ଅଟକାଇ ଯାଞ୍ଚ କରିଥିଲେ। କାଗଜପତ୍ର ନ ଥିବାରୁ ଥାନାକୁ ଆଣି ପଚରାଉଚରା ପରେ ତାଙ୍କ ବାରିପଟୁ ୯ଟି ଚୋରା ବାଇକ ଜବତ ହୋଇଥିଲା। ସଲ୍ମନ୍ଙ୍କ ସୂଚନା ଆଧାରରେ ଉକ୍ତ ସାହିର ତ୍ରିନାଥ ରେଡ୍ଡୀଙ୍କ ଠାରୁ ମଧ୍ୟ ୮ ଚୋରା ବାଇକ ଜବତ ହୋଇଥିଲା। ଉକ୍ତ ଗାଡି ଗୁଡିକ ଗଞ୍ଜାମ, ଗଜପତି, କନ୍ଧମାଳ, ରାୟଗଡା ଓ ଭୁବନେଶ୍ୱରରୁ ଚୋରି ହୋଇଥିବା ପୋଲିସ କହିଛି। ମୁଖ୍ୟ ଅଭିଯୁକ୍ତ ବ୍ରହ୍ମପୁରର, ତାଙ୍କୁ ଖୁବ୍ଶୀଘ୍ର ଗିରଫ କରାଯିବ ବୋଲି ଆର୍.ଉଦୟଗିରି ଏସ୍ଡିପିଓ ଖବରଦାତା ସମ୍ମିଳନୀରେ ସୂଚନା ଦେଇଛନ୍ତି। ନଂ.୩୩/୨୦ରେ ମାମଲା ରୁଜୁକରି ସଲ୍ମନ୍ ଓ ତ୍ରିନାଥଙ୍କୁ କୋର୍ଟ ଚାଲାଣ କରାଯାଇଛି।
