ଓ୍ବାଲର୍ଡ ଲାଇଫ୍ ସାଇନ୍ସ ଆଣ୍ଡ୍ କଞ୍ଜରଭେଶନ ସେଣ୍ଟର ଏବଂ ବ୍ରିଟିଶ ଟ୍ରଷ୍ଟ୍ ଅଫ୍ ଅର୍ନିଥୋଲୋଜି ମିଳିତ ଭାବେ ମଙ୍ଗୋଲିୟନ ବୈଜ୍ଞାନିକ ୨୦ରୁ ଅଧିକ ପକ୍ଷୀଙ୍କ ଉପରେ ପରୀକ୍ଷା କରିଥିଲେ। ସେମାନଙ୍କ ଗତିବିଧି ଏବଂ ଦିନଚର୍ଯ୍ୟା ସମ୍ପର୍କରେ ଜାଣିବା ପାଇଁ ବୈଜ୍ଞାନିକମାନେ ମଙ୍ଗୋଲିୟନ କୁକୋ ପ୍ରୋଜେକ୍ଟ ଆରମ୍ଭ କରିଛନ୍ତି।
ବୈଜ୍ଞାନିକମାନେ ପକ୍ଷୀମାନଙ୍କର ଉଡ଼ିବା ରୁଟ୍, ଅସୁବିଧା, ବ୍ୟବହାର ଏବଂ ଦିନଚର୍ଯ୍ୟା ଜାଣିବା ପାଇଁ କାମ କରୁଛନ୍ତି। ଏଥିପାଇଁ ବୈଜ୍ଞାନିକମାନେ ପକ୍ଷୀଙ୍କ ଶରୀରରେ ସାଟେଲାଇଟ୍ ଟ୍ୟାଗ୍ ଲଗାଇଛନ୍ତି। ଯାହା ଦ୍ୱାରା ସେମାନେ ଉଡୁଥିବା ରାସ୍ତା ସମ୍ପର୍କରେ ଜଣାପଡ଼ିବ। ବୈଜ୍ଞାନିକମାନେ ଏକ କୋଇଲି ଉପରେ ସାଟେଲାଇଟ୍ ଟ୍ୟାଗ୍ ଲଗାଇ ପରୀକ୍ଷା କରିଥିଲେ। କୋଇଲିଟି ୧୨,୦୦୦ କିଲୋମିଟରରୁ ଅଧିକ ଉଡ଼ିଥିଲା ବୋଲି ଜଣାପଡ଼ିଥିଲା। ଯାହା ବୈଜ୍ଞାନିକଙ୍କୁ ଆଶ୍ଚର୍ଯ୍ୟ ଚକିତ କରିଛି। ଘଣ୍ଟାପ୍ରତି ୬୦ କିଲୋମିଟର ବେଗରେ ଏହି କୋଇଲିଟି ଉଡ଼ିଥିବା ଜଣାପଡ଼ିଥିଲା। ଏହି ଟ୍ୟାଗ୍ରେ ମିନି ସୋଲାର ପ୍ୟାନେଲ୍ ଏବଂ ସାଟେଲାଇଟ୍ ଡାଟା ରହିଛି। ଏଥିରୁ ଜଣାପଡ଼ିଥାଏ ପକ୍ଷୀ କେଉଁ ସମୟରେ କେଉଁଠି ଉଡୁଛି। ଏହି ପ୍ରୋଜେକ୍ଟରେ ଇଣ୍ଡୋନେସିଆ, ମାଲେସିଆ, ଆଫ୍ରିକା, ଅଷ୍ଟ୍ରେଲିଆ, ନ୍ୟୁଜିଲାଣ୍ଡ୍ ଏବଂ ଭାରତର ମଧ୍ୟ ସହଯୋଗ ରହିଛି।
