ଇନ୍ଦୋର,୧୫।୧୧- ସ୍ଥାନୀୟ ହୋଲ୍କାର ଷ୍ଟାଡିୟମରେ ଚାଲିଥିବା ବାଂଲାଦେଶ ବିପକ୍ଷ ପ୍ରଥମ ଟେଷ୍ଟରେ ଭାରତୀୟ ଓପନର ମୟଙ୍କ ଅଗ୍ରଓ୍ବାଲ ଶତକ ଅର୍ଜନ କରିଛନ୍ତି। ଏହା ତାଙ୍କ ଟେଷ୍ଟ କ୍ୟାରିୟରର ଓ ଭାରତରେ ତୃତୀୟ ଶତକ। ଏଥିସହିତ ସେ ଭାରତରେ ୪ ଟେଷ୍ଟ ଖେଳି ସର୍ବାଧିକ ଶତକ ହାସଲ କରିଥିବା ବ୍ୟାଟ୍ସମ୍ୟାନଙ୍କ ତାଲିକାରେ ସ୍ଥାନ ପାଇଛନ୍ତି। ଏହି ସଫଳତା ହାସଲ କରିବାରେ ମୟଙ୍କ କିମ୍ବଦନ୍ତୀ ବ୍ୟାଟ୍ସମ୍ୟାନ ଗ୍ୟାରି ସୋବର୍ସ (ଓ୍ବେଷ୍ଟଇଣ୍ଡିଜ), ମହମ୍ମଦ ଆଝାରୁଦ୍ଦିନ (ଭାରତ), ଆଣ୍ଡି ଫ୍ଲାଓ୍ବାର (ଜିମ୍ବାଓ୍ବେ), ଆଣ୍ଡ୍ରୁ ଷ୍ଟ୍ରସ (ଇଂଲଣ୍ଡ) ଓ କେନ ବାରିଂଟନ(ଇଂଲଣ୍ଡ)ଙ୍କ ସହ ସମକକ୍ଷ ହୋଇଛନ୍ତି। ସମସ୍ତେ ୪ ଟେଷ୍ଟରେ ୩ ଶତକ ହାସଲ କରିଥିଲେ। ତାଲିକା ଶୀର୍ଷରେ ରହିଛନ୍ତି ଇଭରଟନ ଓ୍ବିକସ (ଓ୍ବେଷ୍ଟଇଣ୍ଡିଜ)। ସେ ୪ ମ୍ୟାଚ୍ରେ ସର୍ବାଧିକ ୪ ଶତକ ଅର୍ଜନ କରିଥିଲେ।
