ବ୍ରହ୍ମପୁର ଅଫିସ,୧୮ା୧୦- ମହିଳା ସ୍ବୟଂସହାୟକ ଗୋଷ୍ଠୀ (ଏସ୍ଏଚଜି)ଙ୍କୁ ସୁଦୃଢ କରିବାକୁ ବ୍ରହ୍ମପୁର ମହାନଗର ନିଗମ ଆଉ ଏକ ପଦକ୍ଷେପ ଗ୍ରହଣ କରିଛି। ପୂର୍ବରୁ ମହିଳା ଏସ୍ଏଚଜିଙ୍କୁ ଶୌଚାଳୟ ପରିଚାଳନା ଦିଗରେ ନିୟୋଜିତ କରାଯାଇଥିଲା। ଏବେ ମହୁଡାରେ ନିର୍ମିତ ସେପ୍ଟେଜ ବିଷୋଧନାଗାର ପରିଚାଳନା କରିବାକୁ ବିଏମ୍ସି ପକ୍ଷରୁ ନିଷ୍ପତ୍ତି ନିଆଯାଇଛି ା ଯାହା ଓଡିଶାର ପ୍ରଥମ ବୋଲି ବିଏମ୍ସି ପକ୍ଷରୁ କୁହାଯାଇଛି। ଏନେଇ ଗୁରୁବାର ନିଗମ ସମ୍ମିଳନୀ କକ୍ଷରେ ଏସ୍ଏଚଜିଙ୍କ ଦୁଇଦିନିଆ କର୍ମଶାଳା ଶୁଭାରମ୍ଭ ହୋଇଛି। ନିଗମ କମିଶନର ଚକ୍ରବର୍ତ୍ତୀ ସିଂ ରାଠୋରଙ୍କ ଅଧ୍ୟକ୍ଷତାରେ ଆୟୋଜିତ କର୍ମଶାଳାରେ ବିଏମ୍ସି ଦ୍ୱାରା ଚୟନ ୪ ମହିଳା ଏସ୍ଏଚଜିର ୪୦ ମହିଳାଙ୍କୁ ସେପ୍ଟେଜ ବିଶୋଧନାଗାର ପରିଚାଳନା ଓ କାର୍ଯ୍ୟ ଉପରେ ତାଲିମ ପ୍ରଦାନ କରାଯାଇଥିଲା ା ରାଜ୍ୟ ଗୃହ ଓ ନଗର ଉନ୍ନୟନ ବିଭାଗ ଟେକ୍ନିକାଲ ସପୋର୍ଟ ୟୁନିଟ ଅଧିକାରୀମାନେ ଉପସ୍ଥିତ ରହି ପ୍ଲାଣ୍ଟରେ ମଳ ବିଶୋଧନର ସ୍ତରୀକରଣ ଓ ପ୍ରଣାଳୀ ଉପରେ ଏସ୍ଏଚଜିଙ୍କୁ ବିସ୍ତୃତ ଭାବେ ବୁଝାଇଥିଲେ। ଅନ୍ୟମାନଙ୍କ ମଧ୍ୟରେ ବସ୍ତି ଉନ୍ନୟନ ଅଧିକାରୀ ଇପ୍ସିତା ପ୍ରିୟଦର୍ଶିନୀ ମିଶ୍ରଙ୍କ ସମେତ ଜାତୀୟ ସହରାଞ୍ଚଳ ଜୀବିକା ମିଶନ(ଏନୟୁଏଲଏମ୍) କର୍ମକର୍ତ୍ତା ଉପସ୍ଥିତ ଥିଲେ। ତେବେ ଏହି ଦୁଇଦିନିଆ କର୍ମଶାଳାରେ ଏସ୍ଏସଜିଙ୍କୁ ଅଗାମୀ ଦିନରେ ମହୁଡାସ୍ଥିତ ବିଶୋଧନାଗାରର ସମ୍ପୂର୍ଣ୍ଣ ପରିଚାଳନା ଦାୟିତ୍ୱ ପ୍ରଦାନ କରାଯିବ। ଉକ୍ତ ଏସ୍ଏଚଜିର ମହିଳାମାନେ ପ୍ଲାଣ୍ଟର ରକ୍ଷଣାବେକ୍ଷଣ ପରିଚାଳନା କରିବେ ବୋଲି ବିଏମ୍ସି ପକ୍ଷରୁ ସୂଚନା ଦିଆଯାଇଛିା
