ତିର୍ତ୍ତୋଲ,୧୧ା୨(ଡି.ଏନ.ଏ.): ବାଲିଘର ସାହିତ୍ୟ ସଂସ୍କୃତି ପ୍ରତିଷ୍ଠାନ ଓ ଶିଶୁ କିଶୋର ସାହିତ୍ୟ ପତ୍ରିକା ‘ବାଲିଘର’ର ୩୦ତମ ବାର୍ଷିକୋତ୍ସବ ପଣ୍ଡୁଆ ପଞ୍ଚାୟତ ମୁଣ୍ଡିଦା ଗ୍ରାମରେ ଅନୁଷ୍ଠିତ ହୋଇଯାଇଛି। ଉତ୍ସବରେ ରାଜ୍ୟସ୍ତରୀୟ କବି ସମ୍ମିଳନୀ, କବିତାପାଠ, ଆଲୋଚନାଚକ୍ର, ସମ୍ବର୍ଦ୍ଧନା ସଭା ଓ ବାଲିଘରର ବାର୍ଷିକ ସଂଖ୍ୟା ଉନ୍ମୋଚିତ ହୋଇଥିଲା। ଅନୁଷ୍ଠାନ ସଭାପତି ଅଜୟ ବେହେରାଙ୍କ ସଭାପତିତ୍ୱରେ ଅନୁଷ୍ଠିତ ‘ମା, ମାଟି ଓ ମାତୃଭାଷାର ସୁରକ୍ଷା ଆମର ଦାୟିତ୍ୱ’ ଶୀର୍ଷକ ଆଲୋଚନାଚକ୍ରରେ ମୁଖ୍ୟଅତିଥି ପ୍ରଫେସର ଡ.ନିତ୍ୟାନନ୍ଦ ସାହୁ ଯୋଗଦେଇ ସାହିତ୍ୟ ସମାଜର ଦର୍ପଣ ସଦୃଶ୍ୟ ହେବା ଉଚିତ ବୋଲି କହିଥିଲେ। ମୁଖ୍ୟବକ୍ତା ଦେବସ୍ନାନ ଦାସ, ବରେଣ୍ୟ ଅତିଥି ପ୍ରାକ୍ତନ ଉପଜିଲାପାଳ ନାରାୟଣ ନାୟକ, ସାମ୍ୟବାଦୀ ନେତା ଶଶିଭୂଷଣ ସ୍ବାଇଁ, ଆଇନଜୀବୀ ବୀରନାରାୟଣ ପାତ୍ର, ପୂର୍ବତନ ଜିଲାପରିଷଦ ସଭ୍ୟ ହେମନ୍ତ ନାୟକ, ସାମାଜିକ କର୍ମୀ ସୁନାକର ବେହେରା, ଶିକ୍ଷାବିତ ରାଜା ନିରଞ୍ଜନ ପ୍ରସାଦ ଦାସ ଓ ପୂର୍ବତନ ସରପଞ୍ଚ ବିଜୟ ଖଟେଇ ପ୍ରମୁଖ ଯୋଗଦେଇ ବକ୍ତବ୍ୟ ରଖିଥିଲେ। ବାଲିଘର ସମ୍ପାଦକ କୈଳାସ ଚନ୍ଦ୍ର ସ୍ବାଇଁ ଅତିଥି ପରିଚୟ ଓ ସ୍ବାଗତ ଭାଷଣ ପ୍ରଦାନ କରିଥିଲେ। ବିଶିଷ୍ଟ ଶିଶୁ ସାହିତି୍ୟକ ତଥା ଆକାଶବାଣୀ କଟକ ଶିଶୁ ସଂସାର କାର୍ଯ୍ୟକ୍ରମର ପୂର୍ବତନ ବଡଭାଇ ନଦିୟା ବିହାରୀ ମହାନ୍ତିଙ୍କୁ ‘ବାଲିଘର ଶିଶୁ ସାହିତ୍ୟ ସମ୍ମାନ’, ପ୍ରଫେସର ବୈଷ୍ଣବ ସାମଲଙ୍କୁ ‘ବାଲିଘର ସାହିତ୍ୟ ସମ୍ମାନ’, ଡ. ମନୋରମା ବିଶ୍ୱାଳ ମହାପାତ୍ରଙ୍କୁ ‘ବାଲିଘର କବିତା ସମ୍ମାନ’, ଗାଳ୍ପିକ ରବି ପଣ୍ଡାଙ୍କୁ ‘ବାଲିଘର ଗଳ୍ପ ସମ୍ମାନ’, ବୈକୁଣ୍ଠନାଥ ମିଶ୍ରଙ୍କୁ ‘ବାଲିଘର ପ୍ରବନ୍ଧ ସମ୍ମାନ’, ସୁଶ୍ରୀ ଅନିନ୍ଦିତା ମିଶ୍ରଙ୍କୁ ‘ବାଲିଘର ଯୁବ ସମାଜସେବା ସମ୍ମାନ’ପ୍ରଦାନ କରାଯାଇଥିବାବେଳେ ସାହିତ୍ୟ ପତ୍ରିକା ଗୋକର୍ଣ୍ଣିକାର ସମ୍ପାଦକ ରମାକାନ୍ତ ଜେନା, କବି ପ୍ରହ୍ଲାଦ ମଲ୍ଲିକ, କବି ସଚ୍ଚିଦାନନ୍ଦ ମିଶ୍ର, ଖବରଦାତା ସନ୍ଦୀପ ଲେଙ୍କା, ସାମାଜିକକର୍ମୀ ପ୍ରତାପ ଚନ୍ଦ୍ର ମହାନ୍ତି, ଶିଶୁ ଶିଳ୍ପୀ ଅଙ୍କିତା ମଲ୍ଲିକ, ଗ୍ରାମାଞ୍ଚଳ କାର୍ଯ୍ୟକରୁଥିବା ବାବା ବଟମହାପୁରୁଷ ଯୁବକ ସଂଘ, ବେଊଁଳ ପ୍ରମୁଖଙ୍କୁ ବାଲିଘର ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା। ପ୍ରିୟତମା ସାହୁ ଓ ଅନିନ୍ଦିତା ମିଶ୍ରଙ୍କ ସଂଯୋଜନାରେ ଅନୁଷ୍ଠିତ ରାଜ୍ୟସ୍ତରୀୟ କବି ସମ୍ମିଳନୀରେ ଶତାଧିକ କବି ଯୋଗଦେଇ ସ୍ବରଚିତ କବିତା ପାଠ କରିଥିଲେ। ସହସମ୍ପାଦକ ପ୍ରଫେସର ଡ. ସଂଗ୍ରାମକେଶରୀ ସ୍ବାଇଁ ଧନ୍ୟବାଦ ଦେଇଥିଲେ।
