ଜହ୍ନାପଙ୍କ, ୨୬।୪ (ଡି.ଏନ.ଏ): ଭାରତୀୟ କିଷାନ ସଂଘ ବୌଦ୍ଧ ପକ୍ଷରୁ ନିରାଡମ୍ବର ଭାବେ ବୌଦ୍ଧ ବ୍ଲକ ଖୁଣ୍ଟବନ୍ଧ ପଞ୍ଚାୟତର ପୋଲାମ ଗ୍ରାମରେ ଅକ୍ଷିମୁଠି ଅନୁକୂଳ ହୋଇଯାଇଛି। କର୍ତ୍ତାଭାବେ ବୌଦ୍ଧ କିଷାନ ସଂଘ ସଭାପତି ସୂର୍ଯ୍ୟନାରାୟଣ ମହାପାତ୍ର ଦାୟିତ୍ୱ ତୁଲାଇଥିଲେ । ମହାପାତ୍ର ଅକ୍ଷିମୁଠି ଆରମ୍ଭ କରିଥିଲେ । ଏହାପରେ ମହାପାତ୍ରଙ୍କ ଅଧ୍ୟକ୍ଷତାରେ ଏକ ସଭା ଅନୁଷ୍ଠିତ ହୋଇଥିଲା । ଏଥିରେ ପ୍ରଥମେ କରୋନା ସମ୍ପର୍କରେ ସଚେତନତା ସହିତ ସାମାଜିକ ଦୂରତା ଓ ମାସ୍କ ପିନ୍ଧିବା ପାଇଁ ଚାଷୀମାନଙ୍କୁ ପରାମର୍ଶ ଦେଇଥିଲେ । କରୋନା ମୁକାବିଲା ପାଇଁ ସଂଘ ପକ୍ଷରୁ ପ୍ରଧାନମନ୍ତ୍ରୀ ରିଲିଫ ପାଣ୍ଠିକୁ ସହାୟତା ଦେବା ପାଇଁ ପ୍ରସ୍ତାବ ଗୃହୀତ ହେଲା । ବୌଦ୍ଧ ବ୍ଲକ କିଷାନ ସଂଘର ସଭାପତି ନବୀନ କୁମାର ପ୍ରଧାନ ସଭା ସଂଯୋଜନା କରିଥିବା ବେଳେ ରାଜ୍ୟ ସମ୍ପାଦକ ଭୋଳାଶିରି ସାହୁ, କୃଷକ ସଂଗଠକ ବିଶିକେଶନ ପ୍ରଧାନ ବକ୍ତବ୍ୟ ରଖିଥିଲେ ।
