ବାଲୁଗଁା,୪ା୬(ଡି.ଏନ.ଏ.): ପରିବାର କହିଲେ ୪ ଝିଅ, ଗୋଟିଏ ପୁଅ ଓ ମା’। ବାଲୁଗଁା ଜାଗୁଳାଇ ସାହିରେ ରୁହନ୍ତି ଏହି ପରିବାର। ତେବେ ଚାରି ଝିଅ ଓ ମା’ ରମା ମାନସିକ ବିକାରଗ୍ରସ୍ତ ଥିବାବେଳେ ପୁଅ କିଶୋର ଭଲ ଥିଲେ । କାର୍ଯ୍ୟ କରି ପରିବାର ପ୍ରତିପୋଷଣ କରୁଥିଲେ। ଗତ ୩ବର୍ଷ ହେଲା ସେ ମଧ୍ୟ ମାନସିକ ବିକାରଗ୍ରସ୍ତ ହୋଇପଡ଼ିଛନ୍ତି । ଫଳରେ ପରିବାର ପ୍ରତିପୋଷଣ ନିମନ୍ତେ ସମସ୍ତ ଉପାୟ ହରାଇ ଏହି ପରିବାର ଅତ୍ୟନ୍ତ ଦୟନୀୟ ଅବସ୍ଥାରେ ଭଙ୍ଗା ଆଜବେଷ୍ଟସ୍ ଘରେ ଦିନ କାଟୁଛନ୍ତି। ଆଜି ପର୍ଯ୍ୟନ୍ତ ଏମାନଙ୍କୁ କୌଣସି ସରକାରୀ ସହାୟତା ମିଳି ନ ଥିତ୍ବା ଜଣାଯାଇଛି। ଖଣ୍ଡିଏ ରାଶନ କାର୍ଡ଼ ଓ ବିଧବା ଭତ୍ତାରେ ରମା ପରିବାର ପ୍ରତିପୋଷଣ କରୁଥିବା ବେଳେ ମାନସିକ ବିକାରଗ୍ରସ୍ତ ହେତୁ ତାହା ମଧ୍ୟ ହଜାଇ ବସିଥିଲେ ା ଫଳରେ ରାଶନ ସାମଗ୍ରୀ ଓ ଭତ୍ତା ପାଇବାରୁ ସପରିବାର ବଞ୍ଚତ୍ତ ହୋଇଛନ୍ତି । ସାହି ବାସିନ୍ଦା ଉକ୍ତ ପରିବାର ପ୍ରତି ସହାୟ ହୋଇ ଖାଦ୍ୟ ଯୋଗାଉଛନ୍ତି ।ଅଧିକାଂଶ ଦିନ ଖାଦ୍ୟ ଅଭାବରୁ ଭୋକ ଉପାସରେ ମଧ୍ୟ ରହିବାକୁ ବାଧ୍ୟ ହେଉଛନ୍ତି । ଭଗବାନଙ୍କ ଉପରେ ଭରସା ରଖି କେବେ ସରକାରୀ ସହାୟତା ମିଳିବ ସେଦିନକୁ ଚାହିଁ ରହିଛନ୍ତି ମା’ ରମା । ଏପରି ପରିବାର ପ୍ରତି ତୁରନ୍ତ ସରକାରୀ ସହାୟତା ସହ ସରକାରଙ୍କ ଦ୍ୱାରା ଘୋଷିତ ଆବାସ ଯୋଜନା କିମ୍ବା ଗୃହ ନିର୍ମାଣାର୍ଥେ ସରକାରୀ ଅନୁଦାନ ଯୋଗାଣ ନେଇ ସ୍ଥାନୀୟ ଅଞ୍ଚଳବାସୀ ଦାବି କରିଛନ୍ତି ।ଏ ନେଇ ବାଲୁଗଁା ଏନ୍ଏସି କାର୍ଯ୍ୟନିର୍ବାହୀ ଅଧିକାରୀ ସୁରେନ୍ଦ୍ରନାଥ ଖୁଣ୍ଟିଆଙ୍କୁ ପଚାରିବାରୁ ସେ କହିଥିଲେ, ଘଟଣା ସମ୍ପର୍କରେ ଅବଗତ ହୋଇଛି, ତୁରନ୍ତ ଉକ୍ତ ପରିବାର ସଦସ୍ୟଙ୍କ ଆଧାର କାର୍ଡ଼ ଓ ରାଶନ କାର୍ଡ଼ର ବ୍ୟବସ୍ଥା କରାଯାଇ ସରକାରୀ ସହାୟତା ନିମନ୍ତେ ପଦକ୍ଷେପ ନିଆଯିବ।
