ସମ୍ପର୍କୀୟଙ୍କ ଆକ୍ରମଣରେ ଯୁବକଙ୍କ ଜୀବନ ଗଲା
7:45 amApril 12, 2020 / 21

ଆନନ୍ଦପୁର,୧୨।୪ (ସ୍ବ.ପ୍ର.)- କେନ୍ଦୁଝର ଜିଲା ଆନନ୍ଦପୁର ଥାନା ଅଧୀନ ପଣଷଡିହା ପଞ୍ଚାୟତ ସିକାବେଡା ଗ୍ରାମରେ ସମ୍ପର୍କୀୟଙ୍କ ଆକ୍ରମଣରେ ଜଣେ ଯୁବକଙ୍କ ମୃତ୍ୟୁ ଘଟିଛି। ପୋଲିସ ଶନିବାର ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ପୋଲିସ ସୂଚନା ଅନୁଯୟୀ, ଶୁକ୍ରବାର ସନ୍ଧ୍ୟାରେ ଦିବାର ପୂର୍ତ୍ତୀ (୩୮) ସେହି ଗ୍ରାମରେ ଥିବା ସମ୍ପର୍କୀୟଙ୍କ ଗ୍ରସୋରି ଦୋକାନକୁ ଯାଇଥିବା ବେଳେ ପୂର୍ବ ଶତ୍ରୁତାକୁ କେନ୍ଦ୍ର କରି ଉଭୟଙ୍କ ପ୍ରଥମେ ବଚସା ଓ ପରେ ମାରପିଟ ହୋଇଥିଲା। ଫଳରେ ଘଟଣାସ୍ଥଳରେ ଦିବାରଙ୍କର ମୃତ୍ୟୁ ହୋଇଥିଲା। ଆନନ୍ଦପୁର ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ଏନେଇ ଥାନାରେ ଏକ ମାମଲା (ନଂ.୬୦/୨୦) ରୁଜୁ ହୋଇଛି। ଏହି ଆକ୍ରମଣରେ ସାମିଲ ଥିବା ୨ଯୁବକ ଫେରାର ଥିବା ଥାନା ଅଧିକାରୀ ଗଗନ ବିଶ୍ୱାଳ କହିଛନ୍ତି ।